సంగారెడ్డి టీయూడబ్ల్యూజే జిల్లా అధ్యక్ష, కార్యదర్శులుగా సిద్ధిక్ అహ్మ…

సంగారెడ్డి, జూలై 9

సంగారెడ్డి జిల్లాలో టీయూడబ్ల్యూజే (ఐజేయూ) చిన్న, మధ్య తరహా పత్రికల సంఘం ఎన్నికలు గురువారం ఏకగ్రీవంగా ముగిశాయి. ఈ ఎన్నికల్లో సిద్ధిక్ అహ్మద్ అధ్యక్షుడిగా, చౌవాన్ ఈశ్వర్ ప్రధాన కార్యదర్శిగా బాధ్యతలు స్వీకరించారు.

టీయూడబ్ల్యూజే (ఐజేయూ) సంగారెడ్డి జిల్లా చిన్న, మధ్య తరహా పత్రికల సంఘం అధ్యక్షుడిగా సిద్ధిక్ అహ్మద్, ప్రధాన కార్యదర్శిగా చౌవాన్ ఈశ్వర్, కోశాధికారిగా మన్నే లక్ష్మణ్, ఉపాధ్యక్షుడిగా నజీర్ లు గురువారం ఏకగ్రీవంగా ఎన్నికయ్యారు.

ఈ సందర్భంగా వారు మాట్లాడుతూ, తనను ఏకగ్రీవంగా ఎన్నుకున్నందుకు రాష్ట్ర అధ్యక్షుడు వీరాహత్ అలీకి, రాష్ట్ర ఉపాధ్యక్షుడు ఎంఏకే పైసల్, సంగారెడ్డి జిల్లా అధ్యక్షుడు బండారు యాదగిరి, అలాగే ఈ ఎన్నికలో తనపై విశ్వాసం ఉంచి సహకరించిన సంగారెడ్డి జిల్లా జర్నలిస్టు మిత్రులందరికీ పేరుపేరునా హృదయపూర్వక కృతజ్ఞతలు తెలియజేశారు.

తమపై ఉంచిన నమ్మకాన్ని నిలబెట్టుకుంటూ, జర్నలిస్టుల హక్కుల పరిరక్షణ, సంక్షేమం కోసం మరింత బాధ్యతతో, అంకిత భావంతో పని చేస్తామని తెలిపారు.