నిజామాబాద్, జూలై 31
నిజామాబాద్ పోలీసు కమిషనరేట్లో జూలై నెలలో పదవీ విరమణ పొందిన ముగ్గురు పోలీసు అధికారులకు శుక్రవారం ఘనంగా వీడ్కోలు పలికారు. పోలీసు కమిషనర్ కార్యాలయంలో జరిగిన కార్యక్రమంలో వారిని శాలువాలు, జ్ఞాపికలు, ప్రశంసా పత్రాలతో సత్కరించారు. సీటీసీ ఇన్స్పెక్టర్ వి. శివరాం, ఏఆర్ హెడ్క్వార్టర్స్ రిజర్వ్ సబ్ఇన్స్పెక్టర్ చిట్టమల్ల ముత్తయ్య, ఏఆర్ ఎస్ఐ కంటేదారి లక్ష్మణరావు తమ సేవలను పూర్తి చేసుకున్నారు.
నిజామాబాద్ పోలీసు కమిషనరేట్లో జూలై నెలలో పదవీ విరమణ పొందిన ముగ్గురు పోలీసు అధికారులకు శుక్రవారం ఘనంగా వీడ్కోలు పలికారు. పోలీసు కమిషనర్ కార్యాలయంలో నిర్వహించిన కార్యక్రమంలో వారిని శాలువాలు కప్పి, జ్ఞాపికలు, ప్రశంసా పత్రాలు అందజేసి సత్కరించారు.
పదవీ విరమణ పొందిన వారిలో సీటీసీ జానకంపేట్ పోలీసు ఇన్స్పెక్టర్ వి. శివరాం 42 ఏళ్ల సేవను, ఏఆర్ హెడ్క్వార్టర్స్ రిజర్వ్ సబ్ఇన్స్పెక్టర్ చిట్టమల్ల ముత్తయ్య 36 ఏళ్ల సేవను, ఏఆర్ హెడ్క్వార్టర్స్ ఏఆర్ ఎస్ఐ కంటేదారి లక్ష్మణరావు 42 ఏళ్ల సేవను పూర్తి చేసి పదవీ విరమణ పొందారు.
ఈ సందర్భంగా పోలీసు కమిషనర్ పి. సాయి చైతన్య, ఐపీఎస్ మాట్లాడుతూ, పోలీసు శాఖలో తీవ్రమైన పనిభారాన్ని సమర్థంగా నిర్వహిస్తూ ఎలాంటి ప్రతికూల వ్యాఖ్యలు లేకుండా పదవీ విరమణ చేయడం ప్రతి ఉద్యోగికి గర్వకారణమని అన్నారు. శాఖ అభివృద్ధికి వారు అందించిన సేవలు చిరస్మరణీయమని కొనియాడారు. పదవీ విరమణ అనంతరం కూడా అవసరమైన సహాయ సహకారాలు అందిస్తామని హామీ ఇచ్చారు. వారు, వారి కుటుంబ సభ్యులు ఆయురారోగ్యాలతో సుఖసంతోషాలతో జీవించాలని, వారి పిల్లలు ఉన్నత స్థాయికి ఎదగాలని ఆకాంక్షించారు.
కార్యక్రమంలో అదనపు డీసీపీ (అడ్మిన్) ఎన్. శుభం ప్రకాష్, సీటీసీ ఏసీపీ రాజశేఖర్, ఏఆర్ హెడ్క్వార్టర్స్ ఏసీపీ శ్రీరాములు, కార్యాలయ సూపరింటెండెంట్లు శంకర్, ఎ. జగతి, స్పెషల్ బ్రాంచ్ ఇన్స్పెక్టర్ శ్రీధర్ రెడ్డి, రిజర్వ్ ఇన్స్పెక్టర్ (అడ్మిన్) ధరణి కుమార్, ఎంటీవో ఎస్. శేఖర్ బాబు, వెల్ఫేర్/హోంగార్డ్స్ అధికారి సతీష్, పదవీ విరమణ పొందిన అధికారులు, వారి కుటుంబ సభ్యులు పాల్గొన్నారు.
