నీట్ పేపర్ లీకేజీ ఆరోపణలపై ఢిల్లీలో విద్యార్థి సంఘాల నిరసన

నీట్ పరీక్షలో పదేపదే పేపర్ లీకేజీ ఆరోపణలు రావడంపై విద్యార్థులు, తల్లిదండ్రులు, ప్రతిపక్షాలు తీవ్ర ఆగ్రహం వ్యక్తం చేస్తున్నాయి. కేంద్ర ప్రభుత్వం నిర్లక్ష్యమే దీనికి కారణమని ఆరోపిస్తున్నారు.

ఈ నేపథ్యంలో, ఢిల్లీలోని NTA కార్యాలయం వద్ద NSUI ఆధ్వర్యంలో విద్యార్థులు ఆందోళనకు దిగారు. NTAను రద్దు చేయాలని, విద్యాశాఖ మంత్రి రాజీనామా చేయాలని వారు డిమాండ్ చేశారు. ప్రభుత్వానికి వ్యతిరేకంగా నినాదాలు చేశారు.

ఆందోళనకారులను పోలీసులు అదుపులోకి తీసుకుని, పోలీస్ స్టేషన్‌కు తరలించారు. ఈ సంఘటనతో ఢిల్లీలో ఉద్రిక్త వాతావరణం నెలకొంది.

నీట్ పరీక్షల నిర్వహణలో పారదర్శకత లోపించిందని, విద్యార్థుల భవిష్యత్తుతో ఆడుకుంటున్నారని ఆందోళనకారులు ఆరోపించారు. ఈ వ్యవహారంపై సమగ్ర విచారణ జరిపి, బాధ్యులపై కఠిన చర్యలు తీసుకోవాలని వారు కోరుతున్నారు.