ఎల్బీనగర్‌లో విషాదం: చెక్ బౌన్స్ కేసులో వేధింపుల ఆరోపణలతో కాలనీ అధ్యక్షుడు ఆత్మహత్య

పోలీసులు బోడ యాదగిరి అనే వ్యక్తి తనను వేధిస్తున్నాడని, బెయిల్ వచ్చిందని చెప్పి ఒక ఫంక్షన్ నుండి తనను బలవంతంగా తీసుకెళ్లారని మధు పేర్కొన్నట్లు సూసైడ్ నోట్‌లో ఉంది. దీనిపై పోలీసులు విచారణ చేపట్టారు.

తన చావుకు బోడ యాదగిరి, అతని సోదరుడు రమణ, అలాగే పోలీసులే కారణమని మధు తన మరణవాంగ్మూలంలో రాసినట్లు తెలిసింది. సూసైడ్ నోట్‌లో మరో ఇద్దరి పేర్లను కూడా ప్రస్తావించినట్లు సమాచారం.

మధు మృతదేహాన్ని బోడ యాదగిరి ఇంటి ముందు ఉంచి, బంధువులు, స్థానికులు ఆందోళనకు దిగారు. పోలీసులు అడ్డుకునే ప్రయత్నం చేసినప్పటికీ, బాధిత కుటుంబ సభ్యులు యాదగిరి ఇంటి వద్దకు చేరుకుని ధర్నా చేపట్టారు.

ఈ ఘటనపై పోలీసులు దర్యాప్తు ప్రారంభించారు. ఆత్మహత్యకు దారితీసిన పరిస్థితులు, ఆరోపణలపై విచారణ జరుపుతున్నారు. మధు కుటుంబ సభ్యులు న్యాయం చేయాలని కోరుతున్నారు.