జనగణన - 2027 ప్రక్రియలో మాస్టర్ ట్రైనర్ల పాత్ర కీలకమని, సీఎంఎంఎస్, డిజిటల్ విధానం, హౌస్ లిస్టింగ్ ఆపరేషన్స్ పై వారికి శిక్షణ ఇచ్చినట్లు కలెక్టర్ గరిమ అగ్రవాల్ తెలిపారు.
రాజన్న సిరిసిల్ల జిల్లాలో జనగణన 2027 కోసం మాస్టర్ ట్రైనర్లకు శిక్షణా కార్యక్రమం నిర్వహించారు. ఈ శిక్షణలో సెన్సస్ మానిటరింగ్ మేనేజ్మెంట్ సిస్టమ్ (సీఎంఎంఎస్), డిజిటల్ విధానం, హౌస్ లిస్టింగ్ ఆపరేషన్స్ వంటి అంశాలపై అవగాహన కల్పించారు.
కలెక్టర్ గరిమ అగ్రవాల్ మాట్లాడుతూ, రాష్ట్రంలో డిజిటల్ విధానంలో జరిగే తొలి జనగణన ఇదేనని, దీనికి మాస్టర్ ట్రైనర్లు కీలకం అని తెలిపారు. జనగణన రెండు దశల్లో జరుగుతుందని, మొదటి దశలో ఇండ్ల గణన, రెండో దశలో వ్యక్తుల వారీగా సమాచారం సేకరిస్తారని వివరించారు.
జనగణనలో సేకరించే వివరాలు చాలా కీలకమైనవని, వాటిని పక్కాగా, కచ్చితంగా నమోదు చేయాలని కలెక్టర్ ఆదేశించారు. మాస్టర్ ట్రైనర్లు తమ బాధ్యతలను సమర్థవంతంగా నిర్వర్తించాలని సూచించారు.
డైరెక్టర్ ఆఫ్ సెన్సెస్ ఆపరేషన్స్ మాస్టర్ ట్రైనర్ శివ రామ కృష్ణ, పవర్ పాయింట్ ప్రజెంటేషన్ ద్వారా ప్రతి అంశాన్ని వివరంగా తెలియజేశారు. శిక్షణలో జిల్లా ప్రణాళిక అధికారి, గణాంక అధికారి, ఇతర మాస్టర్ ట్రైనర్లు పాల్గొన్నారు.
