రాష్ట్రంలోని సంక్షేమ గురుకులాలు, హాస్టళ్లు, ఇతర ప్రభుత్వ పాఠశాలల్లో చదివే సుమారు 5 లక్షల మంది విద్యార్థులకు తెలంగాణ ప్రభుత్వం ప్రత్యేక విద్యా కిట్లను ఉచితంగా అందించనుంది. ఈ కిట్లలో విద్యార్థుల రోజువారీ అవసరాలకు, వసతికి, విద్యాపరమైన అంశాలకు సంబంధించిన 24 రకాల వస్తువులు ఉంటాయి.
ఈ విద్యా కిట్లలో దుస్తులు, వసతి వస్తువులు, స్టేషనరీ వంటివి చేర్చబడ్డాయి. విద్యార్థుల సమగ్ర అవసరాలను తీర్చడమే దీని లక్ష్యం.
ప్రభుత్వం ఈ ప్రాజెక్ట్ కోసం ఇప్పటికే టెండర్ ప్రక్రియను ప్రారంభించింది. 24 వస్తువులను 9 కేటగిరీలుగా విభజించి, ప్రత్యేక టెండర్లను ఆహ్వానించింది.
ఎంపికైన గుత్తేదారులు 45 రోజులలోగా వస్తువుల సరఫరాను పూర్తి చేయాల్సి ఉంటుంది. ఆలస్యమైతే జరిమానాలు విధించే అవకాశం ఉంది.
