నగరంలోని ప్రభుత్వ వైద్య కళాశాల రెండో గేట్ సమీపంలో శుక్రవారం ఉదయం గుర్తుతెలియని వ్యక్తి మృతదేహం లభ్యమైంది. స్థానికులు సమాచారం ఇవ్వడంతో పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకున్నారు.
ఉదయం సుమారు 10 గంటల సమయంలో మృతదేహాన్ని గుర్తించినట్లు పోలీసులు తెలిపారు. మృతదేహాన్ని పోస్టుమార్టం నిమిత్తం ప్రభుత్వ వైద్య కళాశాల మార్చురీకి తరలించారు.
మృతుడు హిందూ మతానికి చెందిన వ్యక్తి అని, ఎరుపు రంగు టీ-షర్ట్, నలుపు రంగు ప్యాంటు ధరించి ఉన్నాడని పోలీసులు పేర్కొన్నారు. అయితే, మృతుడి పూర్తి వివరాలు ఇంకా తెలియాల్సి ఉంది.
ఈ వ్యక్తిని ఎవరైనా గుర్తించినట్లయితే లేదా అతని కుటుంబ సభ్యుల వివరాలు తెలిసిన వారు వెంటనే టౌన్–1 పోలీస్ స్టేషన్ను సంప్రదించాలని ఇన్స్పెక్టర్ బి. రఘుపతి విజ్ఞప్తి చేశారు. పోలీసులు ఈ ఘటనపై దర్యాప్తు చేపట్టారు.
