ఫేక్ సైబర్ కాల్స్ ద్వారా ప్రజలను మోసం చేస్తున్న బీహార్ ముఠాను SPS నెల్లూరు పోలీసులు అరెస్ట్ చేశారు. ఈ కేసులో ఐదుగురు నిందితులను అదుపులోకి తీసుకున్న పోలీసులు, వారి నుంచి రూ.10,000 నగదును స్వాధీనం చేసుకున్నారు.
పోలీసులు తెలిపిన వివరాల ప్రకారం, ఈ ముఠా మొత్తం రూ.6 లక్షల వరకు నగదును మోసం చేసింది. ఫేక్ సిమ్లు, నకిలీ బ్యాంక్ ఖాతాల ద్వారా KYC, OTP వివరాలు సేకరించి మోసాలకు పాల్పడినట్లు తెలిపారు. ఈ వ్యవహారంలో మూడు కేసులు నమోదు చేశారు.
సైబర్ నేరగాళ్లు తరచుగా KYC అప్డేట్, OTP వంటి కారణాలు చూపి అమాయకులను లక్ష్యంగా చేసుకుంటున్నారు. ఇలాంటి మోసాల పట్ల అప్రమత్తంగా ఉండాలని పోలీసులు సూచిస్తున్నారు.
అపరిచిత వ్యక్తుల నుంచి వచ్చే ఫోన్ కాల్స్పై అనుమానం వ్యక్తం చేయాలని, వ్యక్తిగత లేదా ఆర్థిక వివరాలను ఎవరితోనూ పంచుకోవద్దని అధికారులు హెచ్చరించారు. మోసపోకుండా ఉండేందుకు తీసుకోవాల్సిన జాగ్రత్తలపై అవగాహన కల్పించారు.
