వజ్జపల్లి గ్రామంలో ఆర్యక్షత్రియ సంఘం ఆధ్వర్యంలో ఛత్రపతి శివాజీ మహారాజ్ జయంతిని ఘనంగా నిర్వహించారు. ఈ సందర్భంగా శివాజీ మహారాజ్ జీవితం, పోరాట పటిమ యువతకు స్ఫూర్తిదాయకమని పలువురు వక్తలు కొనియాడారు.
ఆర్యక్షత్రియ సంఘం ఆధ్వర్యంలో జరిగిన ఈ కార్యక్రమంలో ఛత్రపతి శివాజీ చిత్రపటానికి పూలమాలలు వేసి నివాళులర్పించారు. అనంతరం జరిగిన సభలో నాయకులు మాట్లాడుతూ, శివాజీ మహారాజ్ చూపిన ధైర్యసాహసాలు, దేశభక్తి, స్వరాజ్య స్థాపనలో ఆయన కృషి ఎప్పటికీ చిరస్మరణీయమని అన్నారు.
ఈ కార్యక్రమానికి సంఘం అధ్యక్షులు కాట్యాడ బాపూరావు అధ్యక్షత వహించగా, ఉపాధ్యక్షులు తూర్పు రవీందర్ రావు, కార్యదర్శి సోమరి సంజీవ్ రావు, కోశాధికారి కాట్యాడ పండరి పాల్గొన్నారు. వీరితో పాటు గ్రామ సర్పంచ్ కాట్యాడ రాధాబాయి శ్యామ్ రావు, ఉప సర్పంచ్ కాయ్యాలా నర్సింలు, వార్డు సభ్యులు, గ్రామస్తులు పెద్ద సంఖ్యలో హాజరయ్యారు.
శివాజీ మహారాజ్ జీవితం, ఆయన పోరాటాలు నేటి యువతకు ఆదర్శమని, వారిలో దేశభక్తిని, ధైర్యాన్ని పెంపొందించడంలో ఆయన స్ఫూర్తిదాయకంగా నిలుస్తారని వక్తలు పేర్కొన్నారు. ఆయన ఆశయాలను కొనసాగించాలని పిలుపునిచ్చారు.
ఈ సందర్భంగా, ఛత్రపతి శివాజీ జయంతిని ప్రభుత్వం అధికారిక సెలవు దినంగా ప్రకటించి, రాష్ట్ర స్థాయిలో ఘనంగా నిర్వహించాలని సంఘం ప్రతినిధులు ప్రభుత్వానికి విజ్ఞప్తి చేశారు. ఇది చారిత్రక వీరుడికి తగిన గౌరవం అని వారు అభిప్రాయపడ్డారు.