అతివేగంతోనే రోడ్డు ప్రమాదాలు: డీసీపీ ఎగ్గడి భాస్కర్

డీసీపీ ఎగ్గడి భాస్కర్ మాట్లాడుతూ, డ్రైవర్లు దూర ప్రాంతాలకు ప్రయాణించేటప్పుడు అప్రమత్తంగా ఉండాలని, అలసటతో డ్రైవింగ్ చేయరాదని, అవసరమైతే విశ్రాంతి తీసుకోవాలని సూచించారు. వేగ పరిమితులు పాటించడం, సీటు బెల్ట్ ధరించడం, డ్రైవింగ్ సమయంలో మొబైల్ ఫోన్ వాడకాన్ని నివారించడం, మద్యం సేవించి వాహనం నడపడం వంటి నిబంధనలను కచ్చితంగా పాటించాలని ఆయన సూచించారు.

రాష్ట్రవ్యాప్తంగా గత సంవత్సరం 20 వేల మంది రోడ్డు ప్రమాదాల్లో మరణించారని, మంచిర్యాల జిల్లాలో 152 మంది మరణించారని, వీరిలో ఎక్కువ మంది యువతే ఉన్నారని ఆయన ఆందోళన వ్యక్తం చేశారు. రోడ్డు ప్రమాదంలో మరణానికి కారణమైతే అది హత్యతో సమానమని ఆయన అభిప్రాయపడ్డారు.

రోడ్డు ప్రమాద బాధితులను గోల్డెన్ అవర్‌లో ఆసుపత్రికి చేర్చి ప్రాణాలను కాపాడిన వారికి ప్రభుత్వం 'రాహవీర్' పథకం ద్వారా రూ.25,000 నగదు ప్రోత్సాహక బహుమతి అందజేస్తుందని తెలిపారు. ప్రతి వాహనదారుడు ట్రాఫిక్ నిబంధనలు పాటిస్తూ సురక్షితంగా గమ్యస్థానాలకు చేరుకోవాలని ఆయన ఆకాంక్షించారు.