మూసీ ప్రక్షాళనకు అడ్డుపడితే శివతాండవం: సీఎం రేవంత్ రెడ్డి

నదీ పరీవాహక ప్రాంతాల్లోనే నాగరికతలు వృద్ధి చెందుతాయని సీఎం రేవంత్ రెడ్డి అన్నారు. ప్రస్తుతం మానవులు తెలిసో తెలియకో నదులను కలుషితం చేస్తున్నారని, కాలుష్యం వల్ల ఎదురయ్యే సమస్యలను ఢిల్లీ వంటి నగరాలను చూస్తే అర్థమవుతుందని ఆయన వ్యాఖ్యానించారు.

ఈ నేపథ్యంలో, ఈశ్వరుడి ఆశీర్వాదంతో మూసీ నదిని ప్రక్షాళన చేసేందుకు ప్రభుత్వం సిద్ధంగా ఉందని తెలిపారు. ఆలయ నిర్మాణానికి సంబంధించి, ఓంకారేశ్వర ఆలయం నిర్మాణం దైవిక సంకల్పమని, దీనిని భగవత్ కార్యంగా భావిస్తున్నామని సీఎం తెలిపారు.

మూసీ నదిని కలుషితం చేయడం వల్ల ఎదురయ్యే పరిణామాలను దృష్టిలో ఉంచుకుని, ప్రభుత్వం ఈ ప్రక్షాళన కార్యక్రమాన్ని చేపడుతుందని, దీనికి ఎటువంటి ఆటంకాలు కలిగినా సహించేది లేదని సీఎం స్పష్టం చేశారు.