నీట్ లీకేజీపై కేంద్ర మంత్రి రాజీనామా చేయాలి: పీడీఎస్‌యూ

Q: ముఖ్య అంశం 4

నిజామాబాద్లోని కోటగల్లిలో ఉన్న నీలం రామచంద్రయ్య భవన్లో బుధవారం నిర్వహించిన పీడీఎస్యూ జిల్లా కమిటీ సమావేశంలో ఆయన ముఖ్య అతిథిగా పాల్గొని మాట్లాడారు.

22 జులై, 20262 నిమిషాల పఠనం9 వ్యూస్

రచయిత

Tallapally Raju

నీట్ లీకేజీపై కేంద్ర మంత్రి రాజీనామా చేయాలి: పీడీఎస్‌యూ

సారాంశం

నీట్-యూజీ ప్రశ్నపత్రం లీకేజీ ఘటనకు నైతిక బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని, బాధితుల కుటుంబాలకు రూ.కోటి చొప్పున ఎక్స్‌గ్రేషియా ప్రకటించాలని ప్రగతిశీల ప్రజాస్వామ్య విద్యార్థి సంఘం (పీడీఎస్‌యూ) రాష్ట్ర అధ్యక్షుడు పి. మహేష్ డిమాండ్ చేశారు. నిజామాబాద్‌లో జరిగిన పీడీఎస్‌యూ జిల్లా కమిటీ సమావేశంలో ఆయన ఈ వ్యాఖ్యలు చేశారు.

ముఖ్య విషయాలు

దేశవ్యాప్తంగా సుమారు 20 లక్షల మంది విద్యార్థులు రాసిన నీట్-యూజీ పరీక్ష ప్రశ్నపత్రం లీక్ కావడం వల్ల విద్యార్థులు తీవ్ర ఆందోళనకు గురయ్యారని పేర్కొన్నారు.
విద్యార్థుల సమస్యలపై కేంద్ర ప్రభుత్వం, నేషనల్ టెస్టింగ్ ఏజెన్సీ స్పందించకపోవడంతో గత 20 రోజులుగా ఢిల్లీలోని జంతర్‌మంతర్ వద్ద ఆందోళనలు కొనసాగుతున్నాయని తెలిపారు.
జూలై 20న నిర్వహించిన ‘చలో పార్లమెంట్’ కార్యక్రమంలో శాంతియుతంగా నిరసన వ్యక్తం చేస్తున్న విద్యార్థులపై ఢిల్లీ పోలీసులు, కేంద్ర బలగాలు లాఠీచార్జ్ చేయడం ప్రజాస్వామ్య స్ఫూర్తికి విరుద్ధమని విమర్శించారు.
నిజామాబాద్‌లోని కోటగల్లిలో ఉన్న నీలం రామచంద్రయ్య భవన్‌లో బుధవారం నిర్వహించిన పీడీఎస్‌యూ జిల్లా కమిటీ సమావేశంలో ఆయన ముఖ్య అతిథిగా పాల్గొని మాట్లాడారు.

నిజామాబాద్, జూలై 22

నీట్-యూజీ ప్రశ్నపత్రం లీకేజీ ఘటనకు నైతిక బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని, ఈ ఘటన నేపథ్యంలో ఆత్మహత్యలకు పాల్పడిన విద్యార్థుల కుటుంబాలకు రూ.కోటి చొప్పున ఎక్స్‌గ్రేషియా ప్రకటించాలని ప్రగతిశీల ప్రజాస్వామ్య విద్యార్థి సంఘం (పీడీఎస్‌యూ) రాష్ట్ర అధ్యక్షుడు పి. మహేష్ డిమాండ్ చేశారు.

నిజామాబాద్‌లోని కోటగల్లిలో ఉన్న నీలం రామచంద్రయ్య భవన్‌లో బుధవారం నిర్వహించిన పీడీఎస్‌యూ జిల్లా కమిటీ సమావేశంలో ఆయన ముఖ్య అతిథిగా పాల్గొని మాట్లాడారు. దేశవ్యాప్తంగా సుమారు 20 లక్షల మంది విద్యార్థులు రాసిన నీట్-యూజీ పరీక్ష ప్రశ్నపత్రం లీక్ కావడం వల్ల విద్యార్థులు తీవ్ర ఆందోళనకు గురయ్యారని పేర్కొన్నారు. విద్యార్థుల సమస్యలపై కేంద్ర ప్రభుత్వం, నేషనల్ టెస్టింగ్ ఏజెన్సీ స్పందించకపోవడంతో గత 20 రోజులుగా ఢిల్లీలోని జంతర్‌మంతర్ వద్ద ఆందోళనలు కొనసాగుతున్నాయని తెలిపారు.

జూలై 20న నిర్వహించిన ‘చలో పార్లమెంట్’ కార్యక్రమంలో శాంతియుతంగా నిరసన వ్యక్తం చేస్తున్న విద్యార్థులపై ఢిల్లీ పోలీసులు, కేంద్ర బలగాలు లాఠీచార్జ్ చేయడం ప్రజాస్వామ్య స్ఫూర్తికి విరుద్ధమని విమర్శించారు. నిరసనలో పాల్గొన్న విద్యార్థినుల పట్ల అనుచితంగా వ్యవహరించడం, భాష్పవాయు గోళాలు ప్రయోగించడం, విద్యార్థులపై బలప్రయోగం చేయడం తీవ్రంగా ఖండనీయమన్నారు.

విద్యారంగంలో అవినీతిని, కార్పొరేటీకరణను అరికట్టాలని, విద్యార్థుల న్యాయమైన డిమాండ్లను కేంద్ర ప్రభుత్వం వెంటనే పరిష్కరించాలని కోరారు. నీట్ లీకేజీకి బాధ్యులపై కఠిన చర్యలు తీసుకోవడంతో పాటు కేంద్ర విద్యాశాఖ మంత్రి రాజీనామా చేయాలని డిమాండ్ చేశారు. అలాగే రాష్ట్రంలోని బీజేపీ ఎంపీలు ప్రజాస్వామ్య విలువలను గౌరవిస్తే తమ పదవులకు రాజీనామా చేయాలని అన్నారు.

రాష్ట్ర ప్రభుత్వం విద్యారంగ సమస్యల పరిష్కారంపై దృష్టి సారించి, పెండింగ్‌లో ఉన్న ఫీజు రీయింబర్స్‌మెంట్, స్కాలర్‌షిప్‌లను వెంటనే విడుదల చేయాలని డిమాండ్ చేశారు. విద్యార్థుల న్యాయమైన డిమాండ్లు నెరవేరే వరకు ఉద్యమాలకు పీడీఎస్‌యూ సంపూర్ణ మద్దతు కొనసాగుతుందని తెలిపారు.

సమావేశంలో పీడీఎస్‌యూ జిల్లా అధ్యక్షుడు ఆర్. గౌతమ్‌కుమార్, జిల్లా కార్యదర్శి జన్నారపు రాజేశ్వర్, జిల్లా ఉపాధ్యక్షుడు ఎన్. కార్తీక్, సహాయ కార్యదర్శి ప్రిన్స్, జిల్లా కమిటీ సభ్యులు హుస్సేన్, మనోజ్, పవన్, భవాని, ఆకాశ్, గణేష్ తదితరులు పాల్గొన్నారు.