కాళేశ్వరం ఎత్తిపోతల ప్రాజెక్టులో భాగంగా కుంగిపోయిన మేడిగడ్డ బ్యారేజీని పునరుద్ధరించే పనులను ముఖ్యమంత్రి శ్రీ ఎ. రేవంత్ రెడ్డి బుధవారం సందర్శించి, పరిశీలించారు. మంత్రులు, నీటి పారుదల శాఖ ఉన్నతాధికారులతో కలిసి మేడిగడ్డ డ్యామ్ సైట్ను చేరుకున్న ముఖ్యమంత్రి, పునరుద్ధరణ పనులకు సంబంధించి జరుగుతున్న జియోఫిజికల్, జియోటెక్నికల్ పరీక్షలను క్షుణ్ణంగా పరిశీలించారు.
ముఖ్యమంత్రి రేవంత్ రెడ్డి మేడిగడ్డ బ్యారేజీ వద్ద జరుగుతున్న పునరుద్ధరణ పనులను, జరుగుతున్న జియోఫిజికల్, జియోటెక్నికల్ పరీక్షలను పరిశీలించారు. నేషనల్ డ్యామ్ సేఫ్టీ అథారిటీ (NDSA) సూచనల మేరకు చేపట్టాల్సిన పనులపై అధికారులు ఆయనకు వివరించారు.
ఈ సందర్భంగా మంత్రులు, నీటి పారుదల శాఖ ఉన్నతాధికారులు, NDSA చైర్మన్ అనిల్ జైన్ ముఖ్యమంత్రితో పాటు ఉన్నారు. బ్యారేజీ కుంగిన ప్రాంతంలో పరిస్థితులను అధికారులు సమగ్రంగా వివరించారు.
ముఖ్యంగా పియర్స్ 20, 21, 22 వద్ద బోర్ రిగ్స్ ద్వారా జియోటెక్నికల్, జియోఫిజికల్, జీపీఆర్, శాంపిల్స్ సేకరణ పనులను ముఖ్యమంత్రి పరిశీలించారు. 520 బోర్ రిగ్స్ ద్వారా శాంపిల్స్ సేకరించి CWPRS కు పంపనున్నట్లు అధికారులు తెలిపారు.
డ్రోన్ బేస్డ్ GPR పరీక్ష, సీలెంట్ పైల్స్కు సంబంధించి సమాంతర క్రాస్హోల్ సీస్మిక్ టెస్ట్ వివరాలను కూడా అధికారులు వివరించారు. పరీక్షల అనంతరం, NDSA మార్గదర్శకాలకు అనుగుణంగా పనులు చేపట్టాలని ముఖ్యమంత్రి సూచించారు.
