జగిత్యాల జిల్లాలో ASI సూర్యనారాయణ రాజుకు ఘన వీడ్కోలు

జగిత్యాల జిల్లాలో, వెల్గటూర్ పోలీస్ స్టేషన్‌లో విధులు నిర్వహిస్తూ, 36 ఏళ్ల సేవ తర్వాత ఉద్యోగ విరమణ పొందిన ASI సూర్యనారాయణ రాజుకు జిల్లా పోలీస్ కార్యాలయంలో ఘనంగా వీడ్కోలు సన్మానం జరిగింది.

జిల్లా ఎస్పీ అశోక్ కుమార్ ఐపీఎస్, ASI సూర్యనారాయణ రాజును పూలమాలతో సత్కరించి, శాలువా కప్పి గౌరవించారు. పోలీస్ శాఖలో ఆయన అందించిన సేవలు మరువలేనివని, అవి ఎంతో ప్రశంసనీయమని ఎస్పీ పేర్కొన్నారు.

పదవీ విరమణ అనంతరం ASI సూర్యనారాయణ రాజు తన కుటుంబంతో కలిసి ఆనందంగా, ఆయురారోగ్యాలతో, సుఖసంతోషాలతో వర్ధిల్లాలని ఎస్పీ ఆకాంక్షించారు. ఆయన భావి జీవితానికి శుభాకాంక్షలు తెలిపారు.

ఈ కార్యక్రమంలో రిజర్వ్ ఇన్‌స్పెక్టర్ కిరణ్ కుమార్ తో పాటు పలువురు పోలీస్ సిబ్బంది పాల్గొన్నారు. ASI సూర్యనారాయణ రాజు సేవలకు కృతజ్ఞతలు వ్యక్తం చేశారు.