ఇటలీలో దారుణం: ఇద్దరు భారతీయుల కాల్చివేత

కోవో పట్టణంలో జరిగిన ఈ సంఘటనలో, వైశాఖీ పండుగ సందర్భంగా గురుద్వారా నుంచి తిరిగి వస్తున్న రాజిందర్‌ సింగ్‌ (48), గుర్మీత్‌ సింగ్‌ (48)లను గుర్తుతెలియని దుండగులు కాల్చి చంపినట్లు తెలుస్తోంది.

కాల్పుల అనంతరం నిందితులు కారులో అక్కడి నుంచి పారిపోయినట్లు అధికారులు తెలిపారు. ఈ ఘటనపై స్థానిక పోలీసులు కేసు నమోదు చేసుకుని దర్యాప్తు ప్రారంభించారు.

దుండగులను గుర్తించి, వారిని పట్టుకునేందుకు పోలీసులు గాలింపు చర్యలు ముమ్మరం చేశారు. ఈ కాల్పులకు గల కారణాలపై ఇంకా స్పష్టత రావాల్సి ఉంది.

ఈ సంఘటనపై ఇటలీలోని భారతీయ సంఘాలు ఆందోళన వ్యక్తం చేశాయి. మృతుల కుటుంబాలకు ప్రగాఢ సానుభూతిని తెలిపాయి.