డాక్టర్ ఎం. జైపాల్ రెడ్డి, ఎం. సదాశివ రెడ్డి రెడ్ క్రాస్ సొసైటీలో పాట్రన్, వైస్ పాట్రన్ సభ్యులుగా చేరిక

ఇండియన్ రెడ్ క్రాస్ సొసైటీలో రూ.25,000 సభ్యత్వంతో పాట్రన్ మెంబర్‌గా చేరిన డాక్టర్ ఎం. జైపాల్ రెడ్డిని, రూ.12,000 సభ్యత్వంతో వైస్ పాట్రన్ మెంబర్‌గా చేరిన ఎం. సదాశివ రెడ్డిని జిల్లా కలెక్టర్ ఆశిష్ సాంగ్వాన్ సన్మానించారు. ఈ సందర్భంగా డాక్టర్ జైపాల్ రెడ్డికి సభ్యత్వ ధ్రువీకరణ పత్రాన్ని, ఎం. సదాశివ రెడ్డికి మెమెంటోను అందజేశారు.

సమాజ సేవలో ముందుండే డాక్టర్ జైపాల్ రెడ్డి వంటి వ్యక్తులు రెడ్ క్రాస్ వంటి సంస్థలలో సభ్యత్వం తీసుకోవడం అభినందనీయమని జిల్లా కలెక్టర్ పేర్కొన్నారు. యువత కూడా రెడ్ క్రాస్ సభ్యత్వం తీసుకుని, తమ విలువైన సమయాన్ని సేవా కార్యక్రమాలకు కేటాయించి, సమాజ శ్రేయస్సుకు తోడ్పడాలని ఆయన పిలుపునిచ్చారు.

తాను రెడ్ క్రాస్ సొసైటీ ద్వారా ప్రజలకు మరింత విస్తృతంగా సేవలు అందించే అవకాశం లభించడం ఆనందంగా ఉందని డాక్టర్ ఎం. జైపాల్ రెడ్డి తెలిపారు. దీనికి అవకాశం కల్పించిన జిల్లా కలెక్టర్‌కు ఆయన ధన్యవాదాలు తెలియజేశారు. సమాజంలోని ప్రముఖులు, యువత, విద్యార్థులు కూడా రెడ్ క్రాస్ సభ్యత్వం తీసుకోవాలని ఆయన కోరారు.

ఈ కార్యక్రమంలో ACLB గిరి, రెడ్ క్రాస్ నోడల్ అధికారి శశికుమార్, దత్తాద్రి, విజయ్ తదితరులు పాల్గొన్నారు.