వరంగల్ జిల్లాలో గ్యాంగ్ రేప్, హత్య ఆరోపణలు: కుటుంబ సభ్యుల నిరసన

నిన్న రాత్రి జరిగిన ఈ దారుణంలో రావూరు తండాకు చెందిన నలుగురు యువకులు యువతిపై అత్యాచారం చేసి, హత్య చేశారని బాధితురాలి కుటుంబ సభ్యులు ఆరోపిస్తున్నారు. తీవ్ర రక్తస్రావంతో మృతి చెందిన యువతి మృతదేహాన్ని వర్ధన్నపేట మార్చురీకి తరలించారు.

పోలీసుల తీరుపై అసంతృప్తి వ్యక్తం చేసిన కుటుంబ సభ్యులు, తమ ఫిర్యాదుపై సరైన చర్యలు తీసుకోవడం లేదని ఆరోపించారు. మార్చురీ ముందు జాతీయ రహదారిపై బైఠాయించి నిరసన తెలిపారు. నిందితులు ఎల్లప్పుడూ గంజాయి మత్తులో ఉండేవారని బంధువులు తెలిపారు.

న్యాయం జరిగే వరకు మృతదేహానికి పోస్టుమార్టం చేయనివ్వబోమని కుటుంబ సభ్యులు స్పష్టం చేశారు. నిందితులను వెంటనే అరెస్ట్ చేసి కఠిన శిక్ష విధించాలని డిమాండ్ చేస్తున్నారు. ఈ సంఘటనతో స్థానికంగా తీవ్ర కలకలం రేగింది.

పోలీసులు ఈ ఘటనపై కేసు నమోదు చేసుకుని దర్యాప్తు ముమ్మరం చేశారు. నిందితులను పట్టుకోవడానికి ప్రత్యేక బృందాలను ఏర్పాటు చేసినట్లు సమాచారం. పూర్తి దర్యాప్తు అనంతరం మరిన్ని వివరాలు వెల్లడికానున్నాయి.