లాలాగూడ పోలీస్ స్టేషన్లో ఒక పెంపుడు పిల్లి విషయంలో ఆందోళనకర పరిస్థితి నెలకొంది. తమ పిల్లిని దొంగిలించారని ఆరోపిస్తూ ఒక యువతి పోలీసులను ఆశ్రయించింది. సీసీటీవీ ఫుటేజ్ ఆధారంగా దొంగిలించిన వ్యక్తిని గుర్తించారు.
బాధితురాలి ఫిర్యాదు మేరకు పోలీసులు నిందితుడిని అదుపులోకి తీసుకుని విచారించారు. అయితే, ఆ వ్యక్తి తాను దొంగిలించిన పిల్లి తనను కొరికి పారిపోయిందని, ప్రస్తుతం దాని ఆచూకీ తెలియదని పోలీసులకు తెలిపినట్లు సమాచారం.
యువతి తన పిల్లిని తిరిగి ఇవ్వాలని పట్టుబట్టడంతో, ఆ వ్యక్తి ఆమె కాళ్లు మొక్కి మరీ బతిమాలినట్లు తెలిసింది. ఈ సంఘటనతో పోలీస్ స్టేషన్లో కొద్దిసేపు గందరగోళం నెలకొంది.
చివరకు, పోలీసులు ఇద్దరికీ నచ్చజెప్పి, నిందితుడికి హెచ్చరికలు జారీ చేసి పంపించినట్లు విశ్వసనీయ వర్గాలు తెలిపాయి. ఈ వ్యవహారంపై పోలీసులు మరింత ఆరా తీస్తున్నారు.
