మహారాష్ట్రలోని నాసిక్లో ప్రముఖ జ్యోతిష్యుడు, న్యూమరాలజిస్ట్ అశోక్ కారత్ లైంగిక వేధింపుల కేసులో అరెస్ట్ కావడం కలకలం రేపింది. అత్యాచారం, బ్లాక్మెయిల్ ఆరోపణలపై పోలీసులు కేసు నమోదు చేశారు.
నాసిక్కు చెందిన అశోక్ కారత్, రాజకీయ నాయకులు, సినీ ప్రముఖులు, వ్యాపారవేత్తలతో సహా పలువురితో సన్నిహిత సంబంధాలు కలిగి ఉన్నట్లు తెలిసింది. అతనిపై ఒక 35 ఏళ్ల మహిళను 2022 నవంబర్ నుండి 2025 డిసెంబర్ వరకు లైంగికంగా వేధించినట్లు ఆరోపణలున్నాయి.
విచారణలో, బాధితులకు మత్తుమందు ఇచ్చి, వారిపై లైంగిక దాడికి పాల్పడి, ఆ వీడియోలను రికార్డ్ చేసి బ్లాక్మెయిల్ చేసినట్లు పోలీసులు గుర్తించారు. ఈ క్రమంలో, పోలీసులు 58 అసభ్య వీడియోలను స్వాధీనం చేసుకున్నారు.
అశోక్ కారత్పై భారతీయ న్యాయ సంహిత (BNS) సెక్షన్ 64 కింద అత్యాచారం, ఇతర సంబంధిత నేరాల కింద కేసు నమోదు చేయబడింది. ఈ వ్యవహారంపై పోలీసులు లోతుగా దర్యాప్తు చేస్తున్నారు.
ఈ ఘటనపై రాజకీయ వర్గాల్లో కూడా విమర్శలు వెల్లువెత్తుతున్నాయి. పోలీసులు ఈ కేసులో అన్ని కోణాలను పరిశీలిస్తూ, సమగ్ర దర్యాప్తునకు ఆదేశించారు.
