జాతీయ బీసీ విద్యార్థి సంఘం ఆధ్వర్యంలో నిజామాబాద్ జిల్లాలో కళాశాలల బంద్ నిర్వహించారు.
ఈ కార్యక్రమానికి ఉమ్మడి జిల్లాల అధ్యక్షుడు నవాతే ప్రతాప్ నాయకత్వం వహించారు. ఆయన మాట్లాడుతూ, ప్రభుత్వం స్కాలర్షిప్లు మరియు ఫీజు రీయింబర్స్మెంట్ కింద సుమారు రూ.8 వేల కోట్ల బకాయిలను విడుదల చేయడం లేదని విమర్శించారు.
స్కాలర్షిప్లు విడుదల కాకపోవడంతో విద్యార్థులకు కళాశాల యాజమాన్యాలు సర్టిఫికెట్లు ఇవ్వడం లేదని తెలిపారు. ఇది విద్యార్థుల విద్యను ప్రభావితం చేస్తున్నదని ఆయన ఆవేదన వ్యక్తం చేశారు.
ప్రభుత్వం స్పందించకపోతే, ఆందోళనలను మరింత ఉధృతం చేస్తామని ఆయన హెచ్చరించారు.
