బాలికలకు ఉచిత సైకిళ్ల పంపిణీ మేడ్చల్–మల్కాజిగిరి

అంతర్జాతీయ మహిళా దినోత్సవాన్ని పురస్కరించుకొని, స్టేట్ బ్యాంక్ ఆఫ్ ఇండియా ఆధ్వర్యంలో బాలికలకు ఉచితంగా 100 సైకిళ్లు అందించే కార్యక్రమం మంగళవారం జిల్లా కలెక్టరేట్ సమావేశ మందిరంలో జరిగింది.

ఈ కార్యక్రమంలో, జిల్లా విద్యాశాఖ ఆధ్వర్యంలో బాలికలకు సైకిళ్లను పంపిణీ చేశారు. ప్రభుత్వ పాఠశాలల్లో చదువుతూ వంద శాతం హాజరు సాధించిన బాలికలను ఎంపిక చేసి వారికి ఈ సైకిళ్లను మంజూరు చేయడం జరిగింది.

ప్రారంభంలో 21 మంది విద్యార్థినులకు సైకిళ్లను అందజేశారు. ఈ కార్యక్రమానికి అదనపు కలెక్టర్ విజయేందర్ రెడ్డి, ఎస్బీఐ రీజినల్ మేనేజర్, జిల్లా విద్యాశాఖ అధికారి విజయ కుమారి, విద్యార్థినులు మరియు వారి తల్లిదండ్రులు పాల్గొన్నారు.