131వ రాజ్యాంగ సవరణ బిల్లు లోక్‌సభలో వీగిపోయింది

మహిళా రిజర్వేషన్ బిల్లుకు సంబంధించిన 131వ రాజ్యాంగ సవరణ బిల్లు లోక్‌సభలో శుక్రవారం జరిగిన ఓటింగ్‌లో వీగిపోయింది. బిల్లు ఆమోదానికి అవసరమైన మూడింట రెండొంతుల మెజారిటీని ప్రభుత్వం సాధించలేకపోయింది.

శుక్రవారం సాయంత్రం జరిగిన ఓటింగ్‌లో 131వ రాజ్యాంగ సవరణ, డీలిమిటేషన్, మరియు కేంద్ర పాలిత ప్రాంతాల చట్ట సవరణ బిల్లులపై సభ్యులు తమ అభిప్రాయాలను వెలిబుచ్చారు. సుదీర్ఘ చర్చల అనంతరం జరిగిన ఓటింగ్‌లో 131వ రాజ్యాంగ సవరణ బిల్లుకు అనుకూలంగా 278 ఓట్లు, వ్యతిరేకంగా 211 ఓట్లు వచ్చాయి.

బిల్లు ఆమోదానికి అవసరమైన 326 ఓట్లు సాధించడంలో ఎన్డీయే ప్రభుత్వం విఫలమైందని, దీంతో బిల్లు వీగిపోయినట్లు సభాపతి ప్రకటించారు. ఈ ఓటింగ్‌లో మొత్తం 489 మంది సభ్యులు పాల్గొన్నారు.