లోక్సభలో తెలంగాణ రాష్ట్ర ఏర్పాటు ప్రక్రియపై ఎంపీ తేజస్వి సూర్య చేసిన వ్యాఖ్యలు వివాదాస్పదమయ్యాయి. ఆయనపై తెలంగాణ ప్రజల ఆత్మగౌరవాన్ని దెబ్బతీశారంటూ బీఆర్ఎస్ నేత, మాజీ మంత్రి శ్రీనివాస్ గౌడ్ ఢిల్లీ పోలీసులకు ఫిర్యాదు చేశారు.
బీఆర్ఎస్ నేత శ్రీనివాస్ గౌడ్ ఆధ్వర్యంలో ఢిల్లీలోని పార్లమెంట్ స్ట్రీట్ పోలీస్ స్టేషన్లో ఈ ఫిర్యాదు నమోదైంది. తెలంగాణ రాష్ట్ర ఏర్పాటు ప్రక్రియను పాకిస్థాన్ ఏర్పాటుతో లేదా దేశ విభజనతో పోల్చడాన్ని శ్రీనివాస్ గౌడ్ తీవ్రంగా ఖండించారు. వందలాది మంది ప్రాణత్యాగాలు, దశాబ్దాల పోరాటాల ఫలితంగా ఏర్పడిన తెలంగాణను అవమానించడం రాష్ట్ర ప్రజల మనోభావాలను గాయపరచడమేనని ఆయన పేర్కొన్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
పార్లమెంటులో బాధ్యతాయుతమైన పదవిలో ఉండి, ఒక రాష్ట్రం పట్ల ఇంతటి వివక్షతో కూడిన వ్యాఖ్యలు చేయడం రాజ్యాంగ విరుద్ధమని శ్రీనివాస్ గౌడ్ విమర్శించారు. చారిత్రక ఘట్టాన్ని రాజకీయ ప్రయోజనాల కోసం తక్కువ చేసి చూపడం సరికాదని ఆయన వాదించారు.
