కార్మిక నాయకురాలు నూర్జహాన్ మృతి పట్ల సంతాపం

నిజామాబాద్‌కు చెందిన సీపీఐ(ఎం) నాయకురాలు, సీఐటీయూ జిల్లా ప్రధాన కార్యదర్శి నూర్జహాన్ అనారోగ్యంతో చికిత్స పొందుతూ శనివారం తుదిశ్వాస విడిచారు. ఆమె మరణ వార్తతో కార్మిక రంగంలో విషాద ఛాయలు అలుముకున్నాయి.

నూర్జహాన్ తన జీవితాన్ని కార్మికుల హక్కుల పరిరక్షణకు అంకితం చేశారు. ముఖ్యంగా అసంఘటిత రంగ కార్మికుల సమస్యలపై ఆమె ప్రత్యేక దృష్టి సారించి, అనేక ఉద్యమాలకు నాయకత్వం వహించారు. అంగన్వాడీ, ఆశా, గ్రామ పంచాయతీ, మున్సిపల్ కార్మికుల వేతనాలు, పని పరిస్థితుల మెరుగుదలకు ఆమె కృషి చేశారు.

అధికారులతో చర్చలు జరిపి స్థానిక సమస్యల పరిష్కారానికి ఆమె కృషి చేసేవారు. కార్మికుల కష్టాలను తనవిగా భావించి, వారి మధ్యనే ఉంటూ వారికి అండగా నిలిచారు. కష్టకాలంలో ఆమె ధైర్యసాహసాలు, అంకితభావం ఆమెను ఒక ప్రత్యేక నాయకురాలిగా నిలబెట్టాయి.

నూర్జహాన్ సేవలను స్మరించుకుంటూ సిపిఎం, సీఐటీయూ నాయకులు జాన్ వెస్లీ, అబ్బాస్, ప్రసాద్, భూపాల్, జయలక్ష్మి, పి. వెంకట్, భాస్కర్, ఎస్. శ్రమ, రమేష్ బాబు, చంద్రశేఖర్, పెద్ద వెంకట రాములు, పల్లపు వెంకటేష్, శంకర్ గౌడ్, విశాల, గంగాధర్, సుజాత తదితరులు సంతాపం తెలిపారు. ఆమెకు భర్త, ఇద్దరు కుమారులు ఉన్నారు.