లోక కళ్యాణార్థం శ్రీరామ పారాయణం: కామారెడ్డిలో 108 రోజుల కార్యక్రమం

నవంబర్ 22న ప్రారంభమైన ఈ పారాయణం, 108 రోజుల పాటు కొనసాగింది. ఈ కాలంలో ప్రతిరోజూ హనుమాన్ చాలీసా, ప్రతి శనివారం రామరక్ష స్తోత్రం పారాయణాలు నిర్వహించారు. అలాగే, సహస్ర దీపాలంకరణ, రుద్రాభిషేకాలు వంటి విశేష పూజలను భక్తులు, కాలనీవాసులు ఘనంగా నిర్వహించారు.

శ్రీరామ జయరామ, జయజయరామ అనే మంత్రోచ్ఛారణలతో ఈ దైవ కార్యక్రమంలో పిల్లలు, పెద్దలు, కాలనీ వాసులు ఉత్సాహంగా పాల్గొన్నారు. ఈ ఆధ్యాత్మిక కార్యక్రమం ద్వారా ప్రజలందరిలోనూ శాంతి, సంతోషాలు వెల్లివిరియాలని ఆకాంక్షించారు.

సమస్త ప్రపంచం సుఖసంతోషాలతో ఉండాలని భక్తితో పూజలు చేస్తూ సీతారామచంద్ర స్వామిని ప్రార్థించడం జరిగిందని అర్చకులు శ్రీ హర్ష పేర్కొన్నారు.