నిజామాబాద్‌లో పిడిఎస్ బియ్యం అక్రమ రవాణాపై పోలీసుల కొరడా: 450 క్వింటాళ్లు స్వాధీనం

నిజామాబాద్ పోలీస్ కమిషనర్ పి. సాయి చైతన్య ఆదేశాల మేరకు, సీసీఎస్ ఏసీపీ ఇంచార్జ్ మస్తాన్ వాలి ఆధ్వర్యంలో ప్రత్యేక బృందం బుధవారం రాత్రి బోధన్ రూరల్ పోలీస్ స్టేషన్ పరిధిలోని పాగిడేపల్లి గ్రామంలోని శ్రీ రాఘవేంద్ర బిన్నీ రైస్ మిల్లుపై మెరుపు దాడి చేసింది.

తనిఖీల్లో భాగంగా, అక్రమంగా నిల్వ చేసిన సుమారు 450 క్వింటాళ్ల పిడిఎస్ బియ్యాన్ని అధికారులు గుర్తించి స్వాధీనం చేసుకున్నారు. ఈ బియ్యం ప్రజా పంపిణీ వ్యవస్థకు సంబంధించినవిగా అధికారులు ప్రాథమికంగా నిర్ధారించారు.

అక్రమ రవాణాకు ఉపయోగించిన టాటా ఏప్ ఆటో (నంబర్: TS16T 0397)ను కూడా పోలీసులు గుర్తించి, వాహనాన్ని స్వాధీనం చేసుకున్నారు. స్వాధీనం చేసుకున్న బియ్యం మరియు వాహనాన్ని తదుపరి విచారణ కోసం బోధన్ రూరల్ పోలీస్ స్టేషన్ ఎస్ఎచ్ఓకు అప్పగించారు.

ఈ ఘటనపై కేసు నమోదు చేసుకున్న పోలీసులు, దీని వెనుక ఉన్న అక్రమ రవాణా ముఠా గుట్టును రట్టు చేసేందుకు దర్యాప్తు ముమ్మరం చేశారు. ఈ సంఘటన పిడిఎస్ బియ్యం దుర్వినియోగంపై మరోసారి వెలుగులోకి తెచ్చింది.