ప్రజా పాలన ప్రగతి ప్రణాళికలో భాగంగా ‘వెల్ఫేర్ వీక్’ కార్యక్రమంలో భాగంగా జిల్లా మైనారిటీ సంక్షేమాధికారి కాంతమ్మ మేడ్చల్, కుత్బుల్లాపూర్లోని మైనారిటీ పాఠశాలలను ఆకస్మికంగా తనిఖీ చేశారు. పాఠశాలల్లో నాణ్యమైన వసతులు, పరిశుభ్రత, మెరుగైన సేవలు అందించాలని అధికారులను ఆదేశించారు.
వంటశాలల పరిశుభ్రతపై ప్రత్యేక దృష్టి
జిల్లా మైనారిటీ సంక్షేమాధికారి కాంతమ్మ సోమవారం జిల్లాలోని మేడ్చల్ మైనారిటీ పాఠశాల, కుత్బుల్లాపూర్ బాలికల పాఠశాలలను సందర్శించి అక్కడి వసతులను పరిశీలించారు. విద్యార్థులకు మెరుగైన సేవలు అందించాల్సిన బాధ్యత అధికారులపై ఉందని ఆమె ఈ సందర్భంగా పేర్కొన్నారు.
విద్యార్థులతో కలిసి భోజనం చేసిన సంక్షేమాధికారి
పాఠశాల వంటశాలల పరిశుభ్రతపై ఆమె ప్రత్యేక దృష్టి సారించారు. వంటశాలలు ఎప్పటికప్పుడు శుభ్రంగా ఉంచాలని, ఈగలు, కీటకాలు దరిచేరకుండా తగిన జాగ్రత్తలు తీసుకోవాలని సూచించారు. స్టోర్ రూమ్లోని సరుకుల గడువు తేదీలను తప్పనిసరిగా తనిఖీ చేసి వాడాలని ఆదేశించారు.
