కామారెడ్డి జిల్లాలో మహిళ అదృశ్యం: పోలీసుల విచారణ ముమ్మరం

ఈసాయిపేట గ్రామానికి చెందిన కోలాపురం సత్తవ్వ మార్చి 4వ తేదీ మధ్యాహ్నం ఇంట్లో ఎవరూ లేని సమయంలో బయటకు వెళ్లి తిరిగి రాలేదని కుటుంబ సభ్యులు తెలిపారు. ఆమె అదృశ్యంపై ఆందోళన వ్యక్తంచేస్తూ, భర్త కోలాపురం రాజయ్య మాచారెడ్డి పోలీస్ స్టేషన్‌లో ఫిర్యాదు చేశారు.

ఫిర్యాదు మేరకు పోలీసులు మిస్సింగ్ కేసు నమోదు చేసుకున్నారు. 41 ఏళ్ల సత్తవ్వ ఆచూకీ కనుగొనేందుకు పోలీసులు గాలింపు చర్యలు చేపట్టారు. కుటుంబ సభ్యులు, బంధువులు కూడా చుట్టుపక్కల ప్రాంతాల్లో గాలింపు చేపట్టారు.

ఇప్పటివరకు సత్తవ్వ ఆచూకీ లభ్యం కాకపోవడంతో, పోలీసులు కేసు దర్యాప్తును ముమ్మరం చేశారు. ఆమె ఆచూకీ తెలిసినవారు ఎవరైనా ఉంటే వెంటనే మాచారెడ్డి పోలీస్ స్టేషన్‌ను సంప్రదించాలని విజ్ఞప్తి చేశారు. ఎస్ఐ మాచారెడ్డి ఫోన్ నంబర్ 8712686151గా తెలిపారు.