కుకునూరుపల్లిలో బీరప్ప కామరతి కళ్యాణానికి ఏర్పాట్లు: ప్రముఖులకు ఆహ్వానం

కురుమ సంఘం నాయకులు, నిర్వాహకులు రాష్ట్ర, జాతీయ స్థాయి ప్రముఖులను ఆహ్వానిస్తూ ప్రచారం ముమ్మరం చేశారు. హర్యానా మాజీ గవర్నర్ దత్తాత్రేయ, మాజీ మంత్రి హరీష్ రావు, కురుమ సంఘం రాష్ట్ర అధ్యక్షులు మాజీ ఎమ్మెల్సీ ఎగ్గే మల్లేశం, భువనగిరి టీఆర్ఎస్ పార్లమెంట్ ఇంచార్జ్ క్యామ మల్లేశం, కురుమ రిజర్వేషన్ పోరాట సమితి రాష్ట్ర అధ్యక్షులు బింగి స్వామి వంటి ప్రముఖులను ప్రత్యేకంగా ఆహ్వానించినట్లు తెలిపారు.

మెదక్ ఎంపీ రఘునందన్ రావు, ఉమ్మడి మెదక్ జిల్లా ఎమ్మెల్సీ డాక్టర్ యాదవ రెడ్డి, మాజీ ఎమ్మెల్యే నర్సారెడ్డి, గజ్వేల్ టీఆర్ఎస్ పార్టీ ఇంచార్జ్ ప్రతాపరెడ్డి, సిద్దిపేట, గజ్వేల్ కురుమ సంఘాల అధ్యక్షులు సహా పలువురు ప్రజాప్రతినిధులు, నాయకులు ఈ కార్యక్రమానికి హాజరవుతారని వెల్లడించారు. బీజేపీ రాష్ట్ర అధికార ప్రతినిధి కప్పర ప్రసాద్ రావు, గాంధీభవన్ పీఆర్‌ఓ కప్పర హరిప్రసాదరావు కూడా విచ్చేయనున్నట్లు తెలిపారు.

కుకునూరుపల్లి కురుమ సంఘం పెద్దమనిషి మల్లయ్య ఆధ్వర్యంలో ఆహ్వాన కార్యక్రమం జరిగింది. ఈ సందర్భంగా వార్డు మెంబర్ రమేష్, జీ కర్ణాకర్, డాక్టర్ మల్లేశం, తుప్పతి శంకరయ్య, బోడోపట్ల ఐలయ్య, బోడపట్ల మల్లయ్య తదితరులు కార్యక్రమంలో పాల్గొని సహకరించారు. కురుమ సమాజానికి ఈ పండుగ ఆధ్యాత్మిక, సాంస్కృతిక ప్రాధాన్యతను కలిగి ఉంది. వేలాది మంది భక్తులు హాజరయ్యే అవకాశం ఉంది.

ఉత్సవాల సందర్భంగా ప్రత్యేక పూజలు, అన్నదానం, సాంప్రదాయ కార్యక్రమాలు నిర్వహించనున్నట్లు నిర్వాహకులు తెలిపారు. ఈ కార్యక్రమాన్ని విజయవంతం చేయడానికి గ్రామ ప్రజలు, కురుమ సంఘం నాయకులు విస్తృతంగా కృషి చేస్తున్నారు. ప్రతి ఒక్కరూ పెద్ద సంఖ్యలో పాల్గొని ఉత్సవాన్ని విజయవంతం చేయాలని నిర్వాహకులు పిలుపునిచ్చారు.