జిల్లాలో వన్యప్రాణులను సంహరించే ముఠాల ఆగడాలకు అడ్డుకట్ట వేసేందుకు పోలీసులు ప్రత్యేక చర్యలు చేపట్టారు. జిల్లా ఎస్పీ అఖిల్ మహాజన్ ఐపీఎస్ ఆదేశాల మేరకు, జిల్లా వ్యాప్తంగా 30 ప్రత్యేక బృందాలతో ఏకకాలంలో తనిఖీలు నిర్వహించారు. ఈ దాడుల్లో భాగంగా, ఆరుగురు వేటగాళ్లపై కేసులు నమోదు చేసి, వారి వద్ద నుండి జింక కొమ్ములు, వలలు, జింక చర్మం, నెమలి ఈకలు వంటి వస్తువులను స్వాధీనం చేసుకున్నారు.
జిల్లా ఎస్పీ అఖిల్ మహాజన్ ఐపీఎస్ ఆదేశాల మేరకు, జిల్లా వ్యాప్తంగా వన్యప్రాణులను సంహరించే వారిని పట్టుకోవడానికి 30 ప్రత్యేక బృందాలను ఏర్పాటు చేసి తనిఖీలు నిర్వహించారు. ఈ తనిఖీల్లో భాగంగా, తలమడుగు, నేరడిగొండ, బోథ్ పరిధిలోని పలువురు వేటగాళ్లపై కేసులు నమోదు చేశారు. వారి వద్ద నుండి వన్యప్రాణులను వేటాడటానికి ఉపయోగించే వలలు, జింక కొమ్ములు, జింక చర్మం, నెమలి ఈకలు వంటి వాటిని స్వాధీనం చేసుకున్నారు.
నేరడిగొండ పోలీస్ స్టేషన్ పరిధిలో నాగమల్యాల గ్రామానికి చెందిన కనక సాగర్ ఇంట్లో 2 జింక కొమ్ములు, హెడ్లైట్, కరెంట్ వైరు లభించాయి. కుంటాల గ్రామానికి చెందిన శంకర్ వద్ద జింక కొమ్ముల, హెల్మెట్ లైటు దొరికాయి. రోల్ మామల గ్రామానికి చెందిన మడవి శ్రీనివాస్ ఇంట్లో జింక చర్మం, నెమలి ఈకలు స్వాధీనం చేసుకున్నారు. తలమడుగు పరిధిలో ఆడే సునీల్ వద్ద వన్య జింక కొమ్ములు లభించాయి.
బోథ్ పోలీస్ స్టేషన్ పరిధిలో సోలంకి దాసు, రాథోడ్ గణేష్ ఇళ్లలో వేటకు ఉపయోగించే ఐదు వలలు స్వాధీనం చేసుకున్నారు. ఈ ఆరు కేసులలో నిందితులపై చట్ట ప్రకారం చర్యలు తీసుకుంటున్నట్లు అధికారులు తెలిపారు. వన్యప్రాణులను సంరక్షించే బాధ్యత ప్రతి ఒక్కరిదని, వాటిని వేటాడటం చట్టరీత్యా నేరమని ఎస్పీ గుర్తు చేశారు.
జిల్లాలో ఎలాంటి అసాంఘిక కార్యకలాపాలు జరిగిన డయల్ 100 లేదా 8712659973 నెంబర్ కు వాట్సాప్ ద్వారా సమాచారం అందించాలని, సమాచారం అందించిన వారి వివరాలు గోప్యంగా ఉంచబడతాయని తెలిపారు. ఈ నేరస్థులను పట్టుకోవడంలో కీలక పాత్ర పోషించిన సిబ్బందిని జిల్లా ఎస్పీ ప్రత్యేకంగా అభినందించారు.
