భారతీయ సనాతన ధర్మంలో కాలగణనకు విశిష్ట స్థానం ఉంది. ఈ సంవత్సరం 'అధిక జ్యేష్ఠ మాసం' రాబోతున్న నేపథ్యంలో, దాని ప్రాముఖ్యత, ధర్మశాస్త్రాల ప్రకారం పాటించాల్సిన నియమాలపై పండితులు వివరిస్తున్నారు.
సూర్య, చంద్రమానాల మధ్య వ్యత్యాసాన్ని సరిచేయడానికి అధిక మాసం ఏర్పడుతుంది. ఇది సగటున ప్రతి 32 నెలల 16 రోజులకు ఒకసారి వస్తుంది. ఈ సంవత్సరం జ్యేష్ఠ మాసంలో సూర్య సంక్రమణం జరగనందున, దీనిని 'అధిక జ్యేష్ఠ మాసం'గా పరిగణిస్తున్నారు.
ప్రామాణిక ధర్మశాస్త్ర గ్రంథాల ప్రకారం, సూర్య సంక్రమణం జరగని చాంద్రమాన నెలను 'మలమాసం' లేదా 'అధిక మాసం' అంటారు. ఈ నియమం ప్రకారం, ఈ సంవత్సరం జ్యేష్ఠ మాసం అధిక మాసంగా నిర్ణయించబడింది.
అధిక మాసంలో చేయాల్సిన, చేయకూడని కర్మల గురించి ధర్మశాస్త్రాలు వివరిస్తున్నాయి. ముఖ్యంగా, 'కాలప్రకాశిక' వంటి ముహూర్త గ్రంథాలు అధిక మాసంలో కామ్య కర్మలను నిషేధించాయి.
కామ్య కర్మలంటే ఏదైనా నిర్దిష్ట ఫలాన్ని ఆశించి చేసే వైదిక క్రియలు. మలమాసం మలినమైనదని, పాపాలకు నిలయమని, కాబట్టి అటువంటి కర్మలను ఈ మాసంలో చేయరాదని శాస్త్రాలు చెబుతున్నాయి.
