మాదక ద్రవ్యాల నిర్మూలనపై పాఠశాలలో అవగాహన కార్యక్రమం

ఈ కార్యక్రమంలో పాల్గొన్న పారా లీగల్ వాలంటీర్, ISRD కార్యదర్శి అమృత రాజేందర్, మాదక ద్రవ్యాల వ్యసనం సమాజానికి తీవ్ర హాని కలిగిస్తుందని, దీని నిర్మూలన ప్రతి ఒక్కరి బాధ్యత అని అన్నారు. కుటుంబంలో సత్సంబంధాలు, ప్రేమ పిల్లలు మంచి పౌరులుగా ఎదగడానికి దోహదపడతాయని ఆమె వివరించారు.

మానసిక ఆరోగ్యం ప్రాముఖ్యతను నొక్కి చెబుతూ, ఒత్తిడి, ఆందోళన వంటి సమస్యలను కుటుంబ సభ్యులతో పంచుకోవాలని, అవసరమైతే నిపుణుల సలహా తీసుకోవాలని సూచించారు. తల్లిదండ్రులు పిల్లల ప్రవర్తనపై నిఘా ఉంచాలని, వారికి సరైన మార్గనిర్దేశం చేయాలని తెలిపారు.

యువత తమ సమయాన్ని విద్య, క్రీడలు, వ్యక్తిత్వ వికాసం, సమాజ సేవా కార్యక్రమాల వైపు మళ్లించాలని అమృత రాజేందర్ పిలుపునిచ్చారు. మాదక ద్రవ్యాల వల్ల కలిగే ఆరోగ్య, సామాజిక, చట్టపరమైన దుష్పరిణామాలపై విద్యార్థులకు అవగాహన కల్పించారు. అనంతరం విద్యార్థులు మాదక ద్రవ్యాలకు దూరంగా ఉంటామని ప్రతిజ్ఞ చేశారు.