10వ తరగతిలో 550+ మార్కులు సాధించిన ఆర్యవైశ్య విద్యార్థులకు ఐవిఎఫ్ ఆధ్వర్యంలో సన్మానం

ఐవిఎఫ్ కామారెడ్డి జిల్లా కమిటీ ఆధ్వర్యంలో, అత్యుత్తమ ప్రతిభ కనబరిచిన విద్యార్థులను ప్రోత్సహించే లక్ష్యంతో ఈ సన్మాన కార్యక్రమం ఏర్పాటు చేయబడింది. జిల్లా వ్యాప్తంగా 550 మార్కులకు పైగా సాధించిన ఆర్యవైశ్య విద్యార్థులందరినీ సత్కరించనున్నారు.

ఈ ప్రతిష్టాత్మక కార్యక్రమంలో తెలంగాణ ఆర్యవైశ్య కార్పొరేషన్ చైర్మన్ శ్రీమతి కల్వ సుజాత గుప్త, ఐవిఎఫ్ జాతీయ సీనియర్ వర్కింగ్ ప్రెసిడెంట్ ఉప్పల శ్రీనివాస్ గుప్త, మరియు జైళ్ల శాఖ హైదరాబాద్ రేంజ్ డీఐజీ డాక్టర్ దుద్దెల శ్రీనివాస్ పాల్గొని విద్యార్థులకు శుభాకాంక్షలు తెలియజేస్తారు.

విద్యార్థులు తమ వివరాలను కార్యక్రమ సమన్వయకర్త డాక్టర్ బాలు (9492874006)కు వాట్సాప్ ద్వారా ఈ నెల 18 లోపు అందించాలని నిర్వాహకులు కోరారు. ఈ గడువులోపు వివరాలు సమర్పించిన వారికే సన్మానం వర్తిస్తుందని స్పష్టం చేశారు.

జిల్లాలోని ఆర్యవైశ్య సంఘాలు, వాసవి క్లబ్, పట్టణ వైశ్య సంఘాలు ఈ కార్యక్రమానికి సహకరించి, విద్యార్థుల ప్రతిభను మరింతగా ప్రోత్సహించాలని విజ్ఞప్తి చేశారు. మరిన్ని వివరాల కోసం నిర్వాహకులను సంప్రదించవచ్చు.