మేడ్చల్ జిల్లాలో ఇంజినీరింగ్ విద్యార్థిని ఆత్మహత్య; పోలీసుల దర్యాప్తు

నారపల్లిలోని ప్రైవేట్ హాస్టల్‌లో నివాసం ఉంటున్న బీటెక్ విద్యార్థిని నందిని, తన గదిలో ఉరివేసుకుని ఆత్మహత్య చేసుకున్నట్లు సమాచారం. హాస్టల్ యాజమాన్యం పోలీసులకు సమాచారం అందించడంతో, వెంటనే ఘటనా స్థలానికి చేరుకున్న పోలీసులు కేసు నమోదు చేసుకున్నారు.

పోలీసులు విద్యార్థిని మృతదేహాన్ని స్వాధీనం చేసుకుని పోస్టుమార్టం నిమిత్తం తరలించారు. మృతురాలు నందిని స్వస్థలం సిరిసిల్ల జిల్లా చందుర్తి మండలం సనుగుల గ్రామం అని గుర్తించారు.

విద్యార్థిని ఆత్మహత్యకు గల కారణాలపై పోలీసులు విచారణ ముమ్మరం చేశారు. హాస్టల్ సిబ్బందిని, తోటి విద్యార్థులను విచారిస్తున్నట్లు తెలిపారు. పూర్తి వివరాలు దర్యాప్తు అనంతరం వెల్లడిస్తామని పోలీసులు పేర్కొన్నారు.

ఈ ఘటనతో కళాశాలలో, హాస్టల్‌లో విషాదఛాయలు అలుముకున్నాయి. విద్యార్థిని కుటుంబ సభ్యులకు సమాచారం అందించినట్లు పోలీసులు తెలిపారు.