కూసుమంచి మండలంలోని పాలేరు జలాశయం వద్ద సూర్యాపేట జిల్లాకు చెందిన అబ్దుల్ పాషా (45) అనే వ్యక్తి ఆత్మహత్య చేసుకున్నాడు. వేపచెట్టుకు ఉరి వేసుకుని బలవన్మరణానికి పాల్పడినట్లు పోలీసులు తెలిపారు.
మృతుడిని సూర్యాపేట జిల్లా మోతె మండలం తుమ్మలపల్లి గ్రామానికి చెందిన అబ్దుల్ పాషాగా గుర్తించారు. ఉదయం చేపలు పట్టేందుకు వెళ్లిన మత్స్యకారులు వేపచెట్టుకు వేలాడుతున్న మృతదేహాన్ని చూసి పోలీసులకు సమాచారం అందించారు.
సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. మృతదేహాన్ని పరిశీలించిన అనంతరం, పోస్టుమార్టం నిమిత్తం నేలకొండపల్లి మార్చరీకి తరలించారు.
ఈ ఘటనపై కేసు నమోదు చేసుకున్న పోలీసులు, ఆత్మహత్యకు గల కారణాలపై దర్యాప్తు ముమ్మరం చేశారు. మృతుడి కుటుంబ సభ్యులకు విషయం తెలియజేశారు.
