నిజామాబాద్ నగర శివారులోని లక్ష్మీ ప్రియ నగర్ కాలనీలో వ్యభిచారం జరుగుతోందన్న సమాచారంతో సీసీఎస్ పోలీసులు మంగళవారం మెరుపు దాడులు నిర్వహించారు. ఈ ఘటనలో ఇద్దరు విటులు, ముగ్గురు మహిళలను అదుపులోకి తీసుకున్నారు.
పోలీస్ కమిషనర్ సాయి చైతన్య ఆదేశాల మేరకు, సీసీఎస్ ఏసీపీ (ఇన్చార్జ్) మస్తాన్ వలి నేతృత్వంలో ఈ దాడి జరిగింది. రూరల్ పోలీస్ స్టేషన్ పరిధిలోని ఒక ఇంట్లో ఈ కార్యకలాపాలు జరుగుతున్నాయని గుర్తించిన పోలీసులు వెంటనే రంగంలోకి దిగారు.
దాడిలో భాగంగా, పోలీసులు 23,010 నగదు, 6 మొబైల్ ఫోన్లను స్వాధీనం చేసుకున్నారు. అదుపులోకి తీసుకున్న వారిని విచారణ నిమిత్తం రూరల్ పోలీస్ స్టేషన్కు తరలించారు.
ఈ వ్యవహారంపై పోలీసులు తదుపరి దర్యాప్తు చేపట్టారు. చట్టపరమైన చర్యలు తీసుకుంటామని అధికారులు తెలిపారు.
