నిజామాబాద్ పోలీస్ కమిషనర్ పి. సాయి చైతన్య, ఐపీఎస్ గురువారం జోన్-2 బాసర స్థాయి పోలీస్ డ్యూటీ మీట్–2026 పోటీలను ప్రారంభించారు. పోలీసు సిబ్బందిలో వృత్తి నైపుణ్యాలను పెంపొందించడం, శాస్త్రీయ దర్యాప్తు సామర్థ్యాన్ని మెరుగుపరచడం ఈ పోటీల ముఖ్య ఉద్దేశ్యం.
ఎల్-నినో ప్రభావంతో వర్షపాతం తగ్గే అవకాశం ఉన్న నేపథ్యంలో, జిల్లాలో వరి విస్తీర్ణం తగ్గించి ఆరుతడి పంటల వైపు మళ్లాలని కలెక్టర్ ఆశిష్ సంగ్వాన్ సూచించారు. రాష్ట్ర మంత్రుల ఆధ్వర్యంలో జరిగిన వీడియో కాన్ఫరెన్స్ లో ఈ మేరకు ఆదేశాలు జారీ చేశారు. తక్కువ నీటితో అధిక దిగుబడినిచ్చే పంటల సాగుకు ప్రాధాన్యత ఇవ్వాలని సూచించారు.
కామారెడ్డి జిల్లా కేంద్రంలోని కలెక్టరేట్ సమీపంలో గల ఈవీఎం గోదాంను జిల్లా కలెక్టర్ ఆశిష్ సాంగ్వాన్ గురువారం ఆకస్మికంగా పరిశీలించారు. ప్రతి నెలా నిర్వహించే సాధారణ తనిఖీల్లో భాగంగా గోదాం భద్రతా ఏర్పాట్లను ఆయన పర్యవేక్షించారు.
రాష్ట్ర ప్రభుత్వం భూముల రీ సర్వేను ఆధునిక సాంకేతికతతో పారదర్శకంగా నిర్వహించి, ప్రతి భూమికి స్పష్టమైన యాజమాన్య హక్కులు కల్పించాలని రెవెన్యూ శాఖ కార్యదర్శి డి.ఎస్. లోకేష్ కుమార్ అధికారులను ఆదేశించారు. భూముల రీ సర్వే, నక్ష భూములపై జిల్లా కలెక్టర్లతో గురువారం నిర్వహించిన వీడియో కాన్ఫరెన్స్లో ఈ ఆదేశాలు జారీ అయ్యాయి.
కామారెడ్డి మున్సిపల్ పరిధిలోని 8వ వార్డు GR కాలనీలో మామిండ్ల రాజుకు చెందిన త్రినేత్ర టీ పాయింట్, బేకరీని కామారెడ్డి ఎమ్మెల్యే కాటిపల్లి వెంకటరమణారెడ్డి ప్రారంభించారు. ఈ సందర్భంగా హోటల్ యజమాని మామిండ్ల రాజు మాట్లాడుతూ, స్వచ్ఛమైన పాలతో టీ పాయింట్ ప్రారంభించుకోవడం జరిగిందని, ప్రజలు ఆస్వాదించాలని కోరారు.
టీజీఎస్ఆర్టీసీని ప్రభుత్వంలో విలీనం చేసే ప్రక్రియ 90% పూర్తయిందని, కేవలం గెజిట్ తేదీని ప్రకటించాల్సి ఉందని టీజేఎంయు వ్యవస్థాపక ప్రధాన కార్యదర్శి హనుమంతు ముదిరాజ్ అన్నారు. అయితే, కొన్ని యూనియన్ల నాయకులు ముందు యూనియన్ ఎన్నికలు నిర్వహించాలని, ఆ తర్వాతే గెజిటెడ్ తేదీ ప్రకటించాలని ద్వంద వైఖరి అవలంబించడం వల్లే ఈ పరిస్థితి తలెత్తిందని ఆయన పేర్కొన్నారు. ఎన్నికలకు వెళ్లాల్సిన అవసరాన్ని కల్పించిన నాయకులకు బుద్ధి చెప్పాల్సిన సమయం వచ్చిందని ఆయన అభిప్రాయపడ్డారు.
కామారెడ్డిలో తలసేమియా వ్యాధితో బాధపడుతున్న చిన్నారుల కోసం మెగా రక్తదాన శిబిరం నిర్వహించి 120 యూనిట్ల రక్తాన్ని సేకరించిన వాసవి క్లబ్ బీబీపేట్ కు 'తలసేమియా లైఫ్ సేవర్ అవార్డు 2026' దక్కింది. ఐవిఎఫ్ సేవాదళ్ రాష్ట్ర చైర్మన్, రెడ్ క్రాస్ జిల్లా సమన్వయకర్త డాక్టర్ బాలు, కామారెడ్డి రక్తదాతల సమూహ అధ్యక్షులు జమీల్ అమ్మద్ లు ఈ పురస్కారాన్ని అందజేశారు.
నందిపేట్ గ్రామంలో స్వచ్ఛ భారత్ కార్యక్రమంలో భాగంగా అవధూత యాత్ర ద్వారా తీసుకువచ్చిన ఆధునిక పారిశుద్ధ్య పరికరాలను సర్పంచ్ ఎర్రం లింగం, ఉపసర్పంచ్ చందర్, గ్రామ పంచాయతీ కార్యదర్శి మహేందర్ సంయుక్తంగా ప్రారంభించారు. గ్రామంలో పారిశుద్ధ్య నిర్వహణను మెరుగుపరచడం, పరిశుభ్రమైన వాతావరణం నెలకొల్పడం దీని లక్ష్యం.
కామారెడ్డి జిల్లా భరోసా కేంద్రం మహిళలు, చిన్నారులపై జరిగే నేరాల బాధితులకు సత్వర న్యాయం, రక్షణ, పునరావాసం కల్పించడంలో కీలక పాత్ర పోషిస్తోందని జిల్లా కలెక్టర్ అశిష్ సంగ్వాన్, జిల్లా ఎస్పీ ఎం. రాజేష్ చంద్ర తెలిపారు. బుధవారం వారు కేంద్రాన్ని సందర్శించి బాధితులకు అందుతున్న సేవలు, కేసుల పురోగతి, వివిధ శాఖల సమన్వయం, పునరావాస చర్యలపై సమీక్షించారు.
మహిళలు, చిన్నారులపై జరిగే నేరాల బాధితులకు సత్వర న్యాయం, రక్షణ, పునరావాసం కల్పించడంలో జిల్లా భరోసా కేంద్రం కీలక పాత్ర పోషిస్తోందని జిల్లా కలెక్టర్ అశిష్ సంగ్వాన్, జిల్లా ఎస్పీ యం. రాజేష్ చంద్ర పేర్కొన్నారు. బుధవారం వారు భరోసా కేంద్రాన్ని సందర్శించి, బాధితులకు అందుతున్న సేవలు, కేసుల పురోగతి, వివిధ శాఖల సమన్వయంపై సమీక్షించారు.
బీఆర్ఎస్ రాష్ట్ర నాయకులు, సీజీఆర్ ట్రస్ట్ చైర్మన్ చిమ్ముల గోవర్ధన్ రెడ్డి చొరవతో గుమ్మడిదల జెడ్పీ ఉన్నత పాఠశాల అభివృద్ధికి రూ.1.20 కోట్లు సమీకరించారు. మిత్రుడి ఎన్సీసీ సంస్థ సీఎస్ఆర్ నిధుల ద్వారా ఈ నిధులను సమకూర్చి, అదనపు తరగతి గదుల నిర్మాణ పనులు చేపడుతున్నారు. వీటిని నాణ్యతతో, గడువులోపు పూర్తి చేయాలని కాంట్రాక్టర్కు సూచించారు.
దివంగత ముఖ్యమంత్రి వై.ఎస్. రాజశేఖర్ రెడ్డి 77వ జయంతి సందర్భంగా సంగారెడ్డి జిల్లా వైఎస్సార్ భవన్లో బీసీ సంక్షేమ సంఘం ఆధ్వర్యంలో బుధవారం ఘనంగా నివాళులర్పించారు. ఈ సందర్భంగా వైఎస్సార్ చిత్రపటానికి పూలమాలలు వేసి ఆయన సేవలను స్మరించుకున్నారు.
సంగారెడ్డి ప్రభుత్వ జనరల్ హాస్పిటల్లో పనిచేస్తున్న 17 మంది FDHS-104 ఫార్మాసిస్ట్, ల్యాబ్ టెక్నీషియన్ ఉద్యోగుల పెండింగ్ జీతాలను వెంటనే చెల్లించాలని సీపీఎం జిల్లా కార్యదర్శి గొల్లపల్లి జయరాజు ప్రభుత్వాన్ని డిమాండ్ చేశారు. బుధవారం సీపీఎం ఆధ్వర్యంలో రాష్ట్ర ఆరోగ్య శాఖ మంత్రికి లేఖ రాశారు.
(ఐజేయు) జిల్లా కేంద్రమైన సంగారెడ్డిలో గురువారం టీయూడబ్ల్యూజే జిల్లా మహాసభను భారీ ఎత్తున నిర్వహిస్తున్నారు. ఈ సభకు రాష్ట్ర వైద్య ఆరోగ్య శాఖ మంత్రి దామోదర రాజనర్సింహతో పాటు పలువురు ఎంపీలు, ఎమ్మెల్సీ, ఎమ్మెల్యే, టీజీఐఐసీ చైర్మన్, టీపీసీసీ వర్కింగ్ ప్రెసిడెంట్ హాజరవుతున్నారు. జిల్లా కలెక్టర్, ఎస్పీతో పాటు రాష్ట్ర స్థాయి నాయకులు కూడా పాల్గొంటున్నారు.
కామారెడ్డి జిల్లా, పాల్వంచ మండలం, ఫరీద్పేట్ గ్రామంలో రూ. 4,05,036/- ప్రజాధనాన్ని ఒకే పనికి రెండుసార్లు బిల్లులు డ్రా చేసి దుర్వినియోగం చేశారని జిల్లా కలెక్టర్ విచారణలో తేలడంతో గ్రామంలో తీవ్ర ఉద్రిక్తత నెలకొంది. ఈ నేపథ్యంలో గ్రామస్తులు, వార్డు సభ్యులు సర్పంచ్ జీడిపల్లి నరసింహారెడ్డి దిష్టిబొమ్మను దహనం చేసి, ఆయన్ను గ్రామ పంచాయతీ కార్యాలయంలోనే నిర్బంధించారు.
ముగ్పాల్ పోలీస్ స్టేషన్ పరిధిలో ఓ వ్యక్తి అనుమానాస్పద పరిస్థితుల్లో మృతి చెందిన ఘటనపై పోలీసులు కేసు నమోదు చేసి దర్యాప్తు చేపట్టారు. ఆమ్రాబాద్ గ్రామంలోని కొక్క్యా నాయక్ తండాకు చెందిన బానోతు హరి (50) మృతిపై అతని బంధువు ఫిర్యాదు మేరకు కేసు నమోదైంది.
బోధన్ డివిజన్లో రాబోయే పండుగల నేపథ్యంలో పటిష్టమైన బందోబస్తుతో పాటు నేరాల నియంత్రణపై ప్రత్యేక దృష్టి సారించాలని నిజామాబాద్ పోలీస్ కమిషనర్ పి. సాయి చైతన్య అధికారులను ఆదేశించారు. బుధవారం బోధన్ రూరల్ సర్కిల్ కార్యాలయంలో జరిగిన సమీక్షలో పెండింగ్ కేసుల పురోగతిని పరిశీలించి పలు కీలక సూచనలు చేశారు.
పాల్వంచ మండల MRO కార్యాలయాన్ని RDO గిరి సారథ్యంలో తొలిసారిగా సందర్శించారు. ఈ సందర్భంగా, బట్టెంకి బాల్ రాజు, ఆల్ ఇండియా అంబేద్కర్ యువజన సంఘం రాష్ట్ర ప్రధాన కార్యదర్శి, మరియు బట్ట వెంకట్ రాములు, MRPS రాష్ట్ర కార్యదర్శి, RDO గిరి సార్ను మర్యాదపూర్వకంగా కలిసి పుష్పగుచ్ఛాలు అందజేశారు. ఈ భేటీలో MRO జనార్దన్ సార్, MEO రామ్మోహన్ సార్ కూడా పాల్గొన్నారు.
వర్ని మండలంలోని శ్రీనగర్, జాకోర గ్రామాల్లో 'మన ఊరు–మన భద్రత–మన బాధ్యత' కార్యక్రమంలో భాగంగా ఏర్పాటు చేసిన 31 సీసీ కెమెరాలను నిజామాబాద్ పోలీస్ కమిషనర్ పి. సాయి చైతన్య, ఐపీఎస్., బుధవారం ప్రారంభించారు. ఈ కార్యక్రమంలో భాగంగా గ్రామాల్లో భద్రతను బలోపేతం చేయడం ప్రధాన లక్ష్యం.
గ్రామీణ ప్రాంతాల అభివృద్ధిలో ఎంపీడీవోల పాత్ర అత్యంత కీలకమని, ప్రతి పనిని నిర్దేశిత గడువులోగా పూర్తి చేసి ప్రజలకు మెరుగైన సేవలు అందించాలని జిల్లా జిల్లా కలెక్టర్ ప్రతీక్ జైన్ ఆదేశించారు. మంగళవారం కలెక్టరేట్ నుండి వీసీ ద్వారా వివిధ అభివృద్ధి పనులపై ఆయన సమీక్ష నిర్వహించారు.
