ఎన్నికల బందోబస్తుకు వెళ్లే హోంగార్డ్స్‌కు జిల్లా ఎస్పీ కిట్లు పంపిణీ

జిల్లా ఎస్పీ పరితోష్ పంకజ్ ఎన్నికల విధులకు వెళ్తున్న హోంగార్డ్ సిబ్బందికి అవసరమైన ప్రాథమిక ఔషధాలు, బిస్కెట్లు, వ్యక్తిగత అవసరాల సామగ్రితో కూడిన కిట్లను పంపిణీ చేశారు. ఎన్నికల విధులు బాధ్యతాయుతమైనవని, సిబ్బంది తమ ఆరోగ్యాన్ని కాపాడుకుంటూ క్రమశిక్షణతో వ్యవహరించాలని ఆయన సూచించారు.

దూర ప్రాంతాలలో విధులు నిర్వహించే సిబ్బందికి సౌకర్యార్థం ఈ కిట్లు అందజేస్తున్నట్లు ఎస్పీ తెలిపారు. విధుల్లో అప్రమత్తంగా ఉండాలని, ఎలాంటి పరిస్థితులనైనా ఎదుర్కోవడానికి సిద్ధంగా ఉండాలని ఆయన ఆదేశించారు. ఎన్నికల ప్రక్రియ ప్రశాంతంగా జరిగేలా బాధ్యతాయుతంగా వ్యవహరించి, జిల్లాకు మంచి పేరు తీసుకురావాలని కోరారు.

ఆరోగ్య సమస్యలు తలెత్తినప్పుడు జిల్లా పోలీసు డ్యూటీ డాక్టర్‌ను సంప్రదించి, మందుల వివరాలను తెలుసుకోవచ్చని ఎస్పీ సూచించారు. విధి నిర్వహణలో లేదా వ్యక్తిగత సమస్యలుంటే అధికారుల ద్వారా తన దృష్టికి తీసుకురావాలని సూచించారు.

ఈ కార్యక్రమంలో ఏ.ఆర్ డీఎస్పీ నరేందర్, పోలీసు డ్యూటీ డాక్టర్ జ్యోతి, ఆర్ఐలు నరేందర్, సురేష్ నాయక్, రాజశేఖర్ రెడ్డి, శ్రీనివాస్ రావు, ఆర్.ఎస్.ఐ అశోక్, ఇతర సిబ్బంది పాల్గొన్నారు.