అమరావతికి చట్టబద్ధత: ఎంపీ సి.ఎం.రమేష్

ఢిల్లీలో మీడియాతో మాట్లాడుతూ, అమరావతికి చట్టబద్ధత కల్పించే బిల్లుతో దానిని ఎవరూ కదిలించలేరని ఎంపీ రమేష్ స్పష్టం చేశారు. ప్రధాని నరేంద్ర మోదీ, కేంద్ర హోంమంత్రి అమిత్ షా, ఆంధ్రప్రదేశ్ ముఖ్యమంత్రి చంద్రబాబు నాయుడు, ఉపముఖ్యమంత్రి పవన్ కల్యాణ్ ఈ ప్రక్రియలో సహకరించారని ఆయన తెలిపారు.

రాజధాని అంశంపై అనవసర రాజకీయాలు చేసేవారికి ఈ చట్టం అడ్డుకట్ట వేస్తుందని, పులివెందుల ఎమ్మెల్యే వంటి వారు ఇకపై ఊసరవెల్లిలా రంగులు మార్చలేరని ఎంపీ రమేష్ వ్యాఖ్యానించారు.

ప్రతి తెలుగువాడి గుండె చప్పుడు అమరావతి అని, ఇది చరిత్రలో నిలిచిపోతుందని ఆయన అన్నారు.

ఈ బిల్లుతో అమరావతికి భవిష్యత్తులో ఎటువంటి ఇబ్బందులు ఉండవని ఎంపీ రమేష్ విశ్వాసం వ్యక్తం చేశారు.