సమగ్ర శిక్ష ఉద్యోగుల డిమాండ్లు: బేసిక్ పే అమలు, సమ్మె జీతాల చెల్లింపు

సమగ్ర శిక్ష పథకం కింద పనిచేస్తున్న ఉద్యోగులు దీర్ఘకాలంగా తక్కువ వేతనాలతో ఆర్థిక ఇబ్బందులు ఎదుర్కొంటున్నారని TSUTF జిల్లా అధ్యక్షుడు ఆకుల బాబు తెలిపారు. వారికి కనీస వేతనాలు, సమాన పనికి సమాన వేతనం, ఉద్యోగ భద్రత కల్పించాలని ఆయన కోరారు.

ఉద్యోగులు తమ క్యాడర్‌ను నిర్ధారిస్తూ బేసిక్ పే అమలు చేసి, రెగ్యులర్ చేయాలని డిమాండ్ చేశారు. అలాగే, 2024-25 సంవత్సరంలో జరిగిన సమ్మె కాలానికి సంబంధించిన జీతాలను తక్షణమే చెల్లించాలని కోరారు. ఈ డిమాండ్లు నెరవేర్చకపోతే ఈ నెల 20న అసెంబ్లీ ముట్టడిస్తామని హెచ్చరించారు.

ప్రభుత్వం ఉద్యోగులకు హెల్త్ కార్డులు మంజూరు చేసి, నగదురహిత వైద్య సేవలు అందించాలని విజ్ఞప్తి చేశారు. పీఆర్సీ సిఫారసుల ప్రకారం ప్రతి సంవత్సరం ఇంక్రిమెంట్లు ఇవ్వాలని, డీఎస్సీ నియామకాలలో సమగ్ర శిక్ష ఉద్యోగులకు వెయిటేజ్ కల్పించాలని కూడా ప్రభుత్వాన్ని కోరారు.

ఈ నిరసన కార్యక్రమంలో టీఎస్‌యుటీఎఫ్ నాయకులతో పాటు తెలంగాణ సమగ్ర శిక్ష ఉద్యోగుల సంఘం ప్రతినిధులు పాల్గొన్నారు.