రంగారెడ్డి జిల్లా శంషాబాద్ హార్డ్ వేర్ పార్క్ (ఫేజ్ - 3) లో రూ.453 కోట్ల పెట్టుబడితో "ఐటీపీ ఏరో - ఇండియా" ప్లాంట్ నిర్మాణానికి రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు మంగళవారం భూమి పూజ చేశారు. ఈ ప్లాంట్ 10 ఎకరాల విస్తీర్ణంలో ఏర్పాటు కానుంది.
ఈ ప్లాంట్ విమాన ఇంజన్లకు అవసరమైన రిజిడ్ ట్యూబ్స్ కోసం ఎండ్-ఫిట్టింగ్స్, బ్రాకెట్లను ఉత్పత్తి చేస్తుంది. 2027 నాటికి పూర్తి స్థాయిలో కార్యకలాపాలు ప్రారంభమవుతాయని భావిస్తున్నారు.
ఈ ప్రాజెక్ట్ ద్వారా ప్రిసిషన్ ఇంజనీరింగ్, అడ్వాన్స్డ్ మాన్యుఫ్యాక్చరింగ్, క్వాలిటీ కంట్రోల్ విభాగాలలో 350 మంది హై స్కిల్డ్ ఉద్యోగులకు ఉపాధి లభించనుంది. భవిష్యత్తులో ఈ సంఖ్య 600కి పెరిగే అవకాశం ఉంది.
ఈ పెట్టుబడి రంగారెడ్డి జిల్లా పారిశ్రామిక వృద్ధికి దోహదపడుతుందని, విమానయాన రంగంలో భారతదేశ స్వావలంబనకు ఇది ఒక ముందడుగు అని భావిస్తున్నారు. అత్యాధునిక సాంకేతిక పరిజ్ఞానంతో నాణ్యమైన ఉత్పత్తులను అందించడమే లక్ష్యంగా ఈ ప్లాంట్ పనిచేయనుంది.
