భగీరథ్ పోక్సో కేసులో నిందితుడికి మద్దతుగా అధికార బీఆర్ఎస్, ఎంఐఎం నాయకుల వ్యాఖ్యలు రాజకీయ దుమారాన్ని రేపుతున్నాయి. ఐదు రోజులుగా ఈ కేసుపై మౌనం వహించిన కవిత, ఓవైసీలు హఠాత్తుగా స్పందిస్తూ, బాధితురాలి వయస్సు, కేసు స్వభావంపై పరోక్ష విమర్శలు చేయడం గమనార్హం.
బీజేపీ రాష్ట్ర అధ్యక్షుడు బండి సంజయ్ కుమారుడిపై పోక్సో కేసు నమోదైనప్పుడు తీవ్రంగా స్పందించిన కవిత, ఇప్పుడు భగీరథ్ కేసులో బాధితురాలి వయస్సుపై చర్చ జరుగుతోందని, అమ్మాయి మైనర్ అనే విషయంపైనే వాదనలున్నాయని పేర్కొన్నారు. బీజేపీ బాలిక ఫోటోలను లీక్ చేస్తోందని ఆరోపిస్తూ, బీఆర్ఎస్ సోషల్ మీడియాను బ్లాక్ చేయాలనే వాదనలు సరికాదని ఆమె అన్నారు. పోక్సో కేసుపై పోరాడటం కరెక్ట్ కాదని ఆమె చేసిన వ్యాఖ్యలు తీవ్ర విమర్శలకు దారితీస్తున్నాయి.
అదే బాటలో ఎంఐఎం అధినేత అసదుద్దీన్ ఓవైసీ కూడా భగీరథ్ పోక్సో కేసుపై ఐదు రోజులు మౌనం వహించి, ఆ తర్వాత బీఆర్ఎస్ పై విమర్శలు గుప్పించారు. మైనర్ బాలిక తరపున మాట్లాడకుండా, కాంగ్రెస్, బీజేపీలను సమర్థించినట్లుగా ఆయన వ్యాఖ్యానించారు. దేశమంతా తిరుగుతూ ప్రధాని మోదీపై విమర్శలు చేసే ఓవైసీ, భగీరథ్ కేసు విషయంలో ఎందుకు మౌనంగా ఉన్నారని పలువురు ప్రశ్నిస్తున్నారు.
బీసీ నినాదంతో పార్టీ పెట్టిన కవిత, బీసీ బాలికపై జరిగిన అఘాయిత్యంపై ఎందుకు స్పందించలేదని విమర్శలు వెల్లువెత్తుతున్నాయి. కాంగ్రెస్ నుంచి బయటకు వచ్చి బీసీ నినాదం ఎత్తుకున్న మల్లన్న కూడా ఈ కేసుపై మౌనం దాల్చడం గమనార్హం. బీజేపీపై మేధావులతో సమావేశాలు నిర్వహించే కోదండరాం కూడా భగీరథ్ కేసుపై ఎందుకు మాట్లాడటం లేదని ప్రజలు ప్రశ్నిస్తున్నారు.
