హనుమండ్ల ఝాన్సీ రెడ్డి గారి పౌరసత్వాన్ని సవాలు చేస్తూ ఢిల్లీలోని సుప్రీంకోర్టులో ఒక రిట్ పిటిషన్ దాఖలైంది. ఈ పిటిషన్ను పిఎసిఎస్ మాజీ చైర్మన్ కాకిరాల హరిప్రసాదరావు, మాజీ డిసిసిబి బ్యాంక్ డైరెక్టర్, మరియు కాంగ్రెస్ సీనియర్ నాయకులు రామ సహాయం కిషోర్ రెడ్డి దాఖలు చేశారు.
పిటిషనర్లు ఆరోపణల ప్రకారం, ఝాన్సీ రెడ్డి భారత పౌరసత్వం లేకుండానే రాజకీయ పదవులను అనుభవిస్తూ, పార్టీ బలోపేతానికి కాకుండా స్వంత వర్గాన్ని ఏర్పరచుకుని, కష్టపడి పనిచేసే కార్యకర్తలపై దాడులు చేస్తున్నారని పేర్కొన్నారు. కాంగ్రెస్ శ్రేణులు ఈ చర్యలను తీవ్రంగా వ్యతిరేకిస్తున్నాయని తెలిపారు.
గత సర్పంచ్ మరియు మున్సిపల్ ఎన్నికల సమయంలో, పార్టీ అభ్యర్థులను పక్కన పెట్టి ఇతర పార్టీలకు మద్దతు ఇచ్చి ఝాన్సీ రెడ్డి పార్టీకి ద్రోహం చేశారని ఆరోపణలున్నాయి. స్థానిక ఎమ్మెల్యే ఉన్నప్పటికీ, అధికారులతో నేరుగా జోక్యం చేసుకుంటూ ఆమె వ్యవహరిస్తున్న తీరుపై అభ్యంతరాలు వ్యక్తమవుతున్నాయి.
పోలీసు వ్యవస్థను ఉపయోగించుకుని కాంగ్రెస్ క్యాడర్పై దౌర్జన్యాలకు పాల్పడుతున్నారని, అలాగే తన గెలుపుకు సహకరించిన నాయకులను ప్రత్యర్థులుగా భావించి వారిపై ప్రతీకారం తీర్చుకుంటున్నారని ఆరోపణలున్నాయి. ఈ పరిణామాలతో కాంగ్రెస్ పార్టీలో అంతర్గత విభేదాలు తీవ్రమవుతున్నాయని రాజకీయ వర్గాల్లో చర్చ జరుగుతోంది.
ఈ నేపథ్యంలో, ఝాన్సీ రెడ్డి రాజకీయ కార్యకలాపాలపై న్యాయస్థానంలో సవాలు ఎదురైంది. ఈ పిటిషన్పై సుప్రీంకోర్టు ఎలాంటి నిర్ణయం తీసుకుంటుందో వేచి చూడాలి.
