పెద్దకొడపగల్ కెనరా బ్యాంకులో సైబర్ నేరాలపై అవగాహన

కామారెడ్డి జిల్లా సూపరిండెంట్ ఆఫ్ పోలీస్ శ్రీ.ఎం.రాజేష్ చంద్ర ఐపీఎస్ గారి ఆదేశాల మేరకు, పెద్దకొడపగల్ సబ్-ఇన్స్పెక్టర్ శ్రీ.అరుణ్ కుమార్ ఆధ్వర్యంలో ఈ కార్యక్రమం నిర్వహించారు. సైబర్ నేరాలతో మోసపోతే వెంటనే టోల్ ఫ్రీ నంబర్ 1930 కు కాల్ చేయాలని సూచించారు.

బ్యాంకు అధికారులు లేదా పోలీసు అధికారులు ఎవరూ ఓటీపీలను అడగరని, కాబట్టి ఎవరికీ ఓటీపీలను చెప్పవద్దని కస్టమర్లకు స్పష్టం చేశారు. అత్యవసర పరిస్థితుల్లో 100 నంబర్ కు కాల్ చేయాలని కూడా తెలియజేశారు.

పోలీస్ కళాబృందం ఇన్చార్జి హెడ్ కానిస్టేబుల్స్ రామంచ తిరుపతి, శేషరావు మరియు పిసిలు ప్రభాకర్, సాయిలు పాటలు, మాటల ద్వారా సైబర్ నేరాల నివారణపై అవగాహన కల్పించారు. ఈ కార్యక్రమంలో బ్యాంక్ మేనేజర్ శ్రీ.ప్రవీణ్, బ్యాంక్ సిబ్బంది, కస్టమర్లు పాల్గొన్నారు.

ఆర్థిక మోసాల పట్ల అప్రమత్తంగా ఉండాలని, అనుమానాస్పద సందేశాలు, లింకుల పట్ల జాగ్రత్త వహించాలని అధికారులు కస్టమర్లకు సూచించారు. సైబర్ నేరాల నివారణకు తీసుకోవాల్సిన చర్యలపై సమగ్ర సమాచారం అందించారు.