పటాన్ చెరు మండలంలోని నందిగామ గ్రామంలో శుక్రవారం గ్రామ సభ నిర్వహించబడింది. ఈ సమావేశంలో ముఖ్య అతిథిగా పాల్గొన్న మార్కెట్ కమిటీ చైర్మన్ శివానందం, గ్రామాభివృద్ధికి ప్రజాప్రతినిధులు, అధికారులు, గ్రామస్తులు సమన్వయంతో కృషి చేయాలని పిలుపునిచ్చారు.
గ్రామ సర్పంచ్ విక్రమ్ గౌడ్ అధ్యక్షతన జరిగిన ఈ సభలో, శివానందం మాట్లాడుతూ, తాను గతంలో సర్పంచ్గా ఉన్నప్పుడు గ్రామాభివృద్ధి కోసం అహర్నిశలు శ్రమించానని, రహదారులు, పారిశుద్ధ్యం, తాగునీటి సదుపాయాలు, మౌలిక వసతుల కల్పనకు ప్రత్యేక చర్యలు చేపట్టినట్లు తెలిపారు. ప్రస్తుతం కూడా అందరూ రాజకీయాలకు అతీతంగా కలిసిమెలిసి పని చేయాల్సిన అవసరం ఉందని ఆయన అన్నారు.
గ్రామ సభలో గ్రామ సమస్యలు, అభివృద్ధి పనులు, సంక్షేమ పథకాల అమలు తదితర అంశాలపై విస్తృతంగా చర్చించారు. ప్రజల సమస్యలను గుర్తించి వాటి పరిష్కారానికి కృషి చేస్తామని సర్పంచ్ విక్రమ్ గౌడ్ హామీ ఇచ్చారు. గ్రామం అన్ని రంగాల్లో అభివృద్ధి సాధించాలంటే ప్రజల సహకారం ఎంతో అవసరమని ఆయన పేర్కొన్నారు.
ఈ సందర్భంగా, మార్కెట్ కమిటీ చైర్మన్గా ఎన్నికైన శివానందాన్ని ఘనంగా సన్మానించారు. ఈ కార్యక్రమంలో ఉప సర్పంచ్ గోరెమియా, వార్డు సభ్యులు, పంచాయతీ సెక్రెటరీ రాజేందర్, వివిధ శాఖల అధికారులు, గ్రామస్తులు పెద్ద సంఖ్యలో పాల్గొన్నారు.
