జైనమత ప్రవక్త మహావీర్ స్వామి 2625వ జయంతిని పురస్కరించుకుని కామారెడ్డిలో మార్వడి సంఘం ఆధ్వర్యంలో సోమవారం వేడుకలు నిర్వహించారు. ఈ సందర్భంగా పలువురు ప్రముఖులు పాల్గొని, మహావీరుని బోధనలను స్మరించుకున్నారు.
కామారెడ్డి జిల్లా కేంద్రంలోని సిరిసిల్ల రోడ్డులో గల మార్వడి ధర్మశాలలో ఈ వేడుకలు జరిగాయి. మార్వడి సంఘం ఈ కార్యక్రమాన్ని ఏర్పాటు చేసింది.
ఈ కార్యక్రమంలో 46, 47 వార్డుల కౌన్సిలర్లు గెరిగంటి స్వప్న – లక్ష్మినారాయణ దంపతులు పాల్గొన్నారు. వారిని సంఘం ప్రతినిధులు ఘనంగా సన్మానించారు.
మార్వడి సంఘం అధ్యక్షుడు ఆర్.బి. నరేష్ చంద్, ప్రధాన కార్యదర్శి బోర ప్రదీప్ జైన్, ఉపాధ్యక్షులు దిలీప్ చంద్, కోశాధికారి మహేష్ కుంచ, ఉప కార్యదర్శి ఓం చంద్ వంటి పలువురు సభ్యులు ఈ వేడుకల్లో పాల్గొన్నారు.
మహావీర్ స్వామి అందించిన అహింసా సిద్ధాంతాలు, సత్యం, ధర్మం వంటి మార్గాలలో నడవాలని ఈ సందర్భంగా హాజరైనవారు సూచించారు.
