ఆల్విన్ కాలనీ సమస్యలపై డీసీకి ఫిర్యాదు

రాజన్న టీమ్ ఆధ్వర్యంలో డీసీని కలిసిన ప్రతినిధులు, ఎల్లమ్మ బండలోని కొత్త వాటర్ ట్యాంక్ వద్ద పేరుకుపోయిన మట్టిని తొలగించాలని కోరారు. వాటర్ ట్యాంక్ వద్ద భద్రత కల్పించి, సీసీ కెమెరాలు, వాచ్‌మెన్ ఏర్పాటు చేయాలని విజ్ఞప్తి చేశారు.

రాత్రి వేళల్లో అసాంఘిక కార్యకలాపాలు జరుగుతున్నాయని, స్థానికులు అభద్రతా భావంతో ఉన్నారని తెలిపారు. ఈ చర్యల వల్ల అసాంఘిక కార్యకలాపాలను అరికట్టవచ్చని సూచించారు.

ఎల్లమ్మ బండలోని కమ్యూనిటీ హాల్‌ను కొందరు వ్యక్తులు తమ పార్టీ కార్యక్రమాలకు, వాహనాల పార్కింగ్‌కు వాడుకుంటున్నారని, దీనివల్ల ఇతర కాలనీల వాసులకు అందుబాటులో ఉండటం లేదని ఫిర్యాదు చేశారు.

కమ్యూనిటీ హాల్‌ను అందరికీ అందుబాటులో ఉంచాలని, అనవసర బ్యానర్లను తొలగించి, హాల్‌ను రక్షించాలని కోరారు. ఈ కార్యక్రమంలో ప్రభాకర్, రాకేష్, ధనరాజ్ తదితరులు పాల్గొన్నారు.