నిజామాబాద్ జిల్లా భీమ్గల్ మండల కేంద్రంలో నూతనంగా ఏర్పాటు చేసిన జూనియర్ సివిల్ జడ్జి-కమ్-జ్యుడీషియల్ మేజిస్ట్రేట్ ఫస్ట్ క్లాస్ కోర్టును ఆదివారం తెలంగాణ హైకోర్టు న్యాయమూర్తి జస్టిస్ తంగిరాల మాధవీదేవి ప్రారంభించారు. ఈ కోర్టు ఏర్పాటుతో గ్రామీణ ప్రజలకు సత్వర, సులభ న్యాయసేవలు అందుబాటులోకి వస్తాయని ఆమె తెలిపారు.
నిజామాబాద్లోని శ్రీ నూతన వైశ్య ఉన్నత పాఠశాలలో 1976–77 విద్యా సంవత్సరంలో పదో తరగతి చదివిన పూర్వ విద్యార్థులు తమ విద్యాభ్యాసం ప్రారంభించి 50 ఏళ్లు పూర్తయిన సందర్భంగా స్వర్ణోత్సవ వేడుకలను ఘనంగా నిర్వహించారు. ఈ ఆత్మీయ సమ్మేళనంలో పూర్వ విద్యార్థులు కుటుంబ సభ్యులతో కలిసి పాల్గొని పాత జ్ఞాపకాలను నెమరువేసుకున్నారు.
ఒకప్పుడు జీవితంలో విడదీయరాని భాగంగా ఉన్న స్నేహబంధాలు నేడు క్రమంగా తగ్గిపోతున్నాయని, ప్రపంచవ్యాప్తంగా ‘స్నేహితుల కొరత’ ఆందోళనకర స్థాయికి చేరిందని పలు అధ్యయనాలు సూచిస్తున్నాయి. నేటి జీవనశైలి, టెక్నాలజీ ప్రభావం, తీరికలేని పనివేళలు, చిన్న కుటుంబాల పెరుగుదల వంటి కారణాలతో నిజమైన స్నేహాలు అరుదవుతున్నాయని నిపుణులు చెబుతున్నారు. గతంలో ఒక వ్యక్తికి అనేక మంది సన్నిహిత స్నేహితులు ఉండేవారు. అయితే కాలక్రమేణా ఆ సంఖ్య గణనీయంగా తగ్గింది.
ఆధార్ కార్డు, జనన ధ్రువీకరణ పత్రం లేని నిరుపేద, అనాథ, వలస కార్మికుల పిల్లలు విద్యకు దూరం కాకుండా చూడాలని దూరం మండలవిద్యాధికారిడి.అంజయ్య కాకూడదు: విశ్రాంతమండల కోరారు. సంగారెడ్డి జిల్లా కేంద్రంలో ఇలాంటి పిల్లలు విద్యనందించేందుకు చర్యలు తీసుకుంటున్నట్లు ఆయన తెలిపారు.
కేంద్ర విద్యా శాఖ మంత్రి ధర్మేంద్ర ప్రధాన్ రాజీనామా వ్యవహారంపై సీపీఎం స్పందించింది. ఈ రాజీనామా విద్యార్థుల, యువత విజయమని సీపీఎం సంగారెడ్డి జిల్లా కార్యదర్శి గొల్లపల్లి జయరాజు పేర్కొన్నారు. శనివారం ఆయన విడుదల చేసిన ప్రకటనలో, విద్యార్థులు, యువత చేసిన పోరాటాల వల్లే ఈ మార్పు సాధ్యమైందని తెలిపారు.
టీపీసీసీ వర్కింగ్ ప్రెసిడెంట్ జగ్గారెడ్డి ఆధ్వర్యంలో సంగారెడ్డిలో 'రాహుల్ గాంధీ విక్టరీ ర్యాలీ' నిర్వహించారు. రాహుల్ గాంధీ నిరంతర పోరాటమే కేంద్ర విద్యాశాఖ మంత్రి ధర్మేంద్ర ప్రధాన్ రాజీనామాకు కారణమని జగ్గారెడ్డి అన్నారు. నీట్ పేపర్ లీక్ ఘటనపై రాహుల్ గాంధీ ఉద్యమం ఉధృతమైందని తెలిపారు.
ఇస్నాపూర్ మున్సిపాలిటీ పరిధిలో ప్రజలు ఎదుర్కొంటున్న ఇంటి నంబర్ల అస్పష్టత, సీసీ రోడ్లు, డ్రైనేజీ వ్యవస్థ లేకపోవడం వంటి పలు మౌలిక సమస్యలను తక్షణమే పరిష్కరించాలని నవభారత్ నిర్మాణ్ యువసేన వ్యవస్థాపక అధ్యక్షుడు మెట్టు శ్రీధర్ మున్సిపల్ కమిషనర్ను కోరారు. మున్సిపాలిటీని పరిశుభ్రమైన, హరిత, ఆధునిక ఆదర్శ మున్సిపాలిటీగా తీర్చిదిద్దాలని విజ్ఞప్తి చేశారు.
రేగోడ్ మండలంలోని అన్ని అంగన్వాడీ కేంద్రాలకు కాంగ్రెస్ నాయకుడు పోలీస్ కృష్ణ శనివారం ఫ్యాన్లను అందజేశారు. అంగన్వాడీ సిబ్బంది విజ్ఞప్తి మేరకు ఈ సహాయం చేశారు. పిల్లలు, గర్భిణులు, బాలింతలు సౌకర్యవంతంగా ఉండేలా చూడటమే తమ లక్ష్యమని ఆయన తెలిపారు.
నీట్ ప్రశ్నాపత్రం లీక్ వ్యవహారంపై దేశవ్యాప్తంగా విద్యార్థులు, లోక్సభ ప్రతిపక్ష నాయకులు చేపట్టిన ఆందోళనలు ఫలించాయని, కేంద్ర విద్యా శాఖ మంత్రి ధర్మేంద్ర ప్రధాన్ రాజీనామా చేశారని పటాన్ చెరు ఆత్మ కమిటీ చైర్మన్ కొత్తపల్లి శ్రీనివాస్ రెడ్డి పేర్కొన్నారు. శనివారం ఆయన ఈ వ్యాఖ్యలు చేశారు.
పటాన్చెరు పట్టణంలో ఎస్ఐఆర్ (Special Intensive Revision) కార్యక్రమాన్ని ప్రజలకు మరింత చేరువ చేసే లక్ష్యంతో బీఆర్ఎస్ రాష్ట్ర నాయకులు, ఎండీఆర్ ఫౌండేషన్ కో-ఫౌండర్ మాద్రి ప్రిథ్వీరాజ్ ఆధ్వర్యంలో గత 20 రోజులుగా విస్తృత స్థాయిలో సేవా కార్యక్రమాలు విజయవంతంగా కొనసాగుతున్నాయి. అర్హులైన ఓటర్ల వివరాల నమోదులో సహాయం అందించడమే ఈ కార్యక్రమ ప్రధాన లక్ష్యం.
నిజామాబాద్ అర్బన్ ఎమ్మెల్యే ధన్పాల్ సూర్యనారాయణ, నియోజకవర్గంలో జరుగుతున్న అభివృద్ధి పనులను అధికారులు క్షేత్రస్థాయిలో పర్యటిస్తూ ఎప్పటికప్పుడు పర్యవేక్షించాలని ఆదేశించారు. నగరంలోని తన శిబిర కార్యాలయంలో శనివారం పబ్లిక్ హెల్త్, ఆర్అండ్బీ శాఖ అధికారులతో నిర్వహించిన సమీక్ష సమావేశంలో ఆయన ఈ సూచనలు చేశారు.
దేశ యువత భవిష్యత్తు, ప్రజాస్వామ్య విలువల పరిరక్షణే తన రాజీనామాకు ప్రధాన కారణమని కేంద్ర మాజీ విద్యాశాఖ మంత్రి ధర్మేంద్ర ప్రధాన్ పేర్కొన్నారు. ఈ మేరకు ప్రధానమంత్రి నరేంద్ర మోదీకి సమర్పించిన రాజీనామా లేఖలో తన నిర్ణయానికి గల కారణాలను వివరించారు.
పిల్లల రక్షణలో ఉపాధ్యాయుల పాత్ర అత్యంత కీలకమని జిల్లా ప్రధాన న్యాయమూర్తి జి.భవానీ చంద్ర అన్నారు. జాతీయ న్యాయ సేవా సంస్థ రూపొందించిన "చైల్డ్ ఫ్రెండ్లీ లీగల్ సర్వీసెస్ టు చిల్డ్రన్స్ స్కీమ్ –2024" అమలులో భాగంగా, సంగారెడ్డి జిల్లాలోని ప్రభుత్వ ఉన్నత పాఠశాలల్లో నియమితులైన చైల్డ్ ప్రొటెక్షన్ అధికారులకు జిల్లా లీగల్ సర్వీసెస్ అథారిటీ, జిల్లా విద్యాశాఖ సమన్వయంతో కలెక్టరేట్ ఆడిటోరియంలో శనివారం ఒక రోజు సెన్సిటైజేషన్ కార్యక్రమం నిర్వహించారు.
గోదావరి పుష్కరాలు–2027 సందర్భంగా భక్తులకు ఎలాంటి అసౌకర్యం కలగకుండా సురక్షితంగా, ప్రశాంతంగా నిర్వహించేందుకు తీసుకోవాల్సిన చర్యలపై రాష్ట్ర డీజీపీ (లా అండ్ ఆర్డర్) మహేష్ భగవత్, ఐపీఎస్., ఉన్నతాధికారులతో శనివారం వీడియో కాన్ఫరెన్స్ నిర్వహించారు. నిజామాబాద్ పోలీస్ కమిషనరేట్ పరిధిలోని రెంజల్, మెండోరా, ఏర్గట్ల ఘాట్ల వద్ద భద్రత, ట్రాఫిక్, అత్యవసర సేవలపై ప్రత్యేకంగా సమీక్షించారు.
ప్రభుత్వ ఉపాధ్యాయులకు నిర్వహిస్తున్న ఎస్సీఈఆర్టీ శిక్షణ కార్యక్రమాల్లో అవకతవకలు జరిగాయని, బాల్కొండ కోర్స్ డైరెక్టర్ను తక్షణమే సస్పెండ్ చేయాలని పీఆర్టీయూ తెలంగాణ జిల్లా గౌరవ అధ్యక్షుడు కృపాల్ సింగ్ సోడి డిమాండ్ చేశారు. విద్యార్థులకు ఉచితంగా పంపిణీ చేయాల్సిన నోటుబుక్కులను ఉపాధ్యాయులకు అందజేయడం ప్రభుత్వ ఉద్దేశానికి విరుద్ధమని ఆయన ఆరోపించారు.
తెలంగాణ హైకోర్టు న్యాయమూర్తులు జస్టిస్ తంగిరాల మాధవీదేవి, జస్టిస్ లక్ష్మీనారాయణ అలిశెట్టి, జస్టిస్ గడి ప్రవీణ్కుమార్లు నిజామాబాద్ జిల్లా పర్యటనకు విచ్చేశారు. జిల్లా యంత్రాంగం, అధికారులు, న్యాయవర్గ ప్రతినిధులు వారికి ఘన స్వాగతం పలికారు.
నీట్ సహా ప్రవేశ పరీక్షల ప్రశ్నపత్రాల లీకేజీలకు నైతిక బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయడం విద్యార్థి ఉద్యమానికి దక్కిన విజయమని సీపీఐ(ఎంఎల్) మాస్ లైన్ పార్టీ నగర కార్యదర్శి ఎం. సుధాకర్ పేర్కొన్నారు. ఈ మేరకు ఆయన శనివారం నిజామాబాద్లో పార్టీ నగర కమిటీ ఆధ్వర్యంలో నిర్వహించిన విలేకరుల సమావేశంలో మాట్లాడారు.
కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా విద్యార్థి లోకానికి దక్కిన నైతిక విజయమని టీపీసీసీ అధ్యక్షుడు, ఎమ్మెల్సీ మహేష్ కుమార్ గౌడ్ పేర్కొన్నారు. కాంగ్రెస్ అగ్రనేత రాహుల్ గాంధీ నాయకత్వంలో జరిగిన ఉద్యమం ఫలితంగానే ఈ పరిణామం చోటుచేసుకుందని ఆయన అన్నారు.
నగరంలోని అశోక్ సాగర్ చెరువులో శనివారం ఉదయం సుమారు 11 గంటల సమయంలో గుర్తుతెలియని యువకుడి మృతదేహం లభ్యమైంది. పోలీసులు సంఘటనా స్థలానికి చేరుకుని మృతదేహాన్ని వెలికితీసి పరిశీలించారు. మృతుడి వయస్సు సుమారు 25-30 ఏళ్లు ఉంటుందని అంచనా వేశారు.
నగరంలోని అశోక్ సాగర్ చెరువులో శనివారం ఉదయం గుర్తుతెలియని యువకుడి మృతదేహం కలకలం సృష్టించింది. సుమారు 25-30 ఏళ్ల వయస్సున్న మృతుడి వద్ద ఎలాంటి గుర్తింపు ఆధారాలు లభించలేదని పోలీసులు తెలిపారు. మృతుడిని గుర్తించాల్సిందిగా ప్రజలకు విజ్ఞప్తి చేశారు.
