కామారెడ్డి జిల్లా రామారెడ్డి ప్రాంతానికి చెందిన కాంగ్రెస్ పార్టీ సీనియర్ నాయకుడు, మాజీ జెడ్పిటిసి నారెడ్డి మోహన్ రెడ్డి రోడ్డు ప్రమాదంలో మృతి చెందారు. ఈ వార్త జిల్లా కాంగ్రెస్ వర్గాల్లో తీవ్ర విషాదాన్ని నింపింది.
రాష్ట్ర వైద్య, ఆరోగ్య శాఖ మంత్రి దామోదర్ రాజనర్సింహ, అవయవ మార్పిడి (THOTA) పాలసీ రూపకల్పన, క్లినికల్ ఎస్టాబ్లిష్మెంట్ యాక్ట్ అమలుపై ప్రైవేటు ఆసుపత్రుల యాజమాన్యాలతో ఉన్నత స్థాయి సమీక్ష సమావేశం నిర్వహించారు. ఈ సందర్భంగా, అవయవ దానాలను ప్రోత్సహించడం, చికిత్సల ధరల నియంత్రణ, క్లినికల్ ఎస్టాబ్లిష్మెంట్ యాక్ట్ సమర్థవంతమైన అమలుపై కీలక చర్చలు జరిగాయి.
రాష్ట్ర ప్రభుత్వం ప్రతిష్టాత్మకంగా చేపట్టిన 'ప్రజా పాలన – ప్రగతి ప్రణాళిక' కార్యక్రమం విజయవంతం కావడానికి ప్రజా ప్రతినిధులకు శిక్షణ ఇవ్వాలని రాష్ట్ర ప్రభుత్వ ప్రధాన కార్యదర్శి రామకృష్ణారావు జిల్లా అధికారులను ఆదేశించారు. ఈ నెల 12వ తేదీన రాష్ట్రవ్యాప్తంగా ప్రజా ప్రతినిధులకు శిక్షణ కార్యక్రమం నిర్వహించనున్నట్లు తెలిపారు.
రోటరీ క్లబ్ ఆధ్వర్యంలో, ఎస్బీఐ కార్పొరేట్ సోషల్ ఫండ్స్ సహకారంతో కామారెడ్డి గర్ల్స్ హైస్కూల్లో విద్యార్థినులకు రీయూజెబుల్ సానిటరీ పాడ్స్ పంపిణీ చేశారు. 'ప్రాజెక్ట్ శక్తి' పేరుతో బాలికల ఆరోగ్యం, విద్యాభివృద్ధి లక్ష్యంగా ఈ కార్యక్రమం నిర్వహించారు.
కామారెడ్డి మున్సిపాలిటీ పరిధిలోని వివిధ వార్డుల్లో నెలకొన్న సమస్యలపై బీజేపీ కౌన్సిలర్లు మంగళవారం మున్సిపల్ కమిషనర్ను కలిసి వినతిపత్రం సమర్పించారు. శానిటేషన్, వీధి దీపాలు, చెత్త సేకరణ, ఫాగింగ్, త్రాగునీటి సరఫరా వంటి అంశాలపై వారు ఫిర్యాదు చేశారు. సమస్యలు పరిష్కరించకపోతే ఉద్యమం తప్పదని హెచ్చరించారు.
పర్యావరణ పరిరక్షణలో భాగంగా చెరువులను కాపాడటం ద్వారానే నగరానికి భవిష్యత్తు ఉంటుందని, ఆక్రమణలు, కాలుష్యం నుంచి మూసీ నదిని పునరుద్ధరించాల్సిన అవసరం ఉందని పీసీసీ సభ్యులు, టీపీసీసీ అధికార ప్రతినిధి డా. సత్యం శ్రీరంగం అన్నారు. నల్లచెరువు ప్రారంభోత్సవానికి విచ్చేసిన ముఖ్యమంత్రి రేవంత్ రెడ్డికి ఆయన కూకట్పల్లి నియోజకవర్గ సమస్యలపై వినతి పత్రం అందించారు.
మేడ్చల్–మల్కాజిగిరి జిల్లా కలెక్టర్ మను చౌదరి బాలికలు చదువులో ముందుండి అన్ని రంగాలలో రాణించాలి అని తెలిపారు.
రాష్ట్ర ప్రభుత్వం ప్రతిష్టాత్మకంగా అమలు చేస్తున్న అభివృద్ధి, సంక్షేమ కార్యక్రమాలపై క్షేత్రస్థాయి ప్రజాప్రతినిధులకు పూర్తి అవగాహన ఉండాలని రాష్ట్ర ప్రభుత్వ ప్రధాన కార్యదర్శి రామకృష్ణ రావు స్పష్టం చేశారు. ఈ మేరకు ఆయన జిల్లా కలెక్టర్లతో వీడియో కాన్ఫరెన్స్ నిర్వహించి పలు సూచనలు చేశారు.
నాగారం జడ్పీహెచ్ఎస్ హైస్కూల్లో పదవ తరగతి విద్యార్థులకు పరీక్షా సామాగ్రిని పంపిణీ చేశారు. ఈ సందర్భంగా, 10/10 జిపిఏ సాధించిన విద్యార్థులకు రూ. 5,000 నగదు బహుమతి ప్రకటించారు.
కామారెడ్డి పట్టణంలోని శ్రీ సర్వదేవ పరంజ్యోతి భగవతి ఆలయంలో మంగళవారం భక్తిశ్రద్ధలతో ఆరోగ్య పూజ నిర్వహించారు. ఈ సందర్భంగా భక్తులకు అన్నప్రసాద వితరణ కార్యక్రమం చేపట్టారు. జిల్లా గ్రంథాలయ సంస్థ చైర్మన్ మద్ది చంద్రకాంత్ రెడ్డి మనవడు మాస్టర్ మద్ది ఈషా చంద్ర రెడ్డి జన్మదినోత్సవం సందర్భంగా ఈ కార్యక్రమం జరిగింది.
హైదరాబాద్ కేంద్రంగా మూడు హైస్పీడ్ రైల్ (బుల్లెట్ ట్రైన్) కారిడార్లను ఏర్పాటు చేసే ప్రతిపాదనలు ఊపందుకున్నాయి. ఈ ప్రతిపాదనలలో భాగంగా, శంషాబాద్ వద్ద నిర్మించనున్న హైస్పీడ్ రైల్ టెర్మినల్ను మెట్రో రైలు నెట్వర్క్తో అనుసంధానించాలని రాష్ట్ర ప్రభుత్వం యోచిస్తోంది.
గుమ్మడిదల రైతు వేదికలో ఉద్యాన శాఖ ఆధ్వర్యంలో RKVY పథకం కింద వేసవి కూరగాయల సాగును ప్రోత్సహించడానికి రైతులకు ఉచితంగా కూరగాయల మినీ కిట్స్ పంపిణీ చేశారు. ఆగ్రోఫారెస్ట్రీ కింద టేకు, మహోగని మొక్కలు, ఆయిల్ పామ్ సాగుకు సబ్సిడీ కూడా అందించనున్నట్లు అధికారులు తెలిపారు.
సంగారెడ్డిలో అంతర్జాతీయ మహిళా దినోత్సవాన్ని పురస్కరించుకుని మహిళా, శిశు మరియు వయోవృద్ధుల సంక్షేమ శాఖ ఆధ్వర్యంలో కలెక్టరేట్ ఆడిటోరియంలో ఘనంగా వేడుకలు నిర్వహించారు. జిల్లా కలెక్టర్ పి.ప్రావీణ్య, టీజీఐఐసీ చైర్ పర్సన్ నిర్మలా జయప్రకాశ్ రెడ్డి, జిల్లా లీగల్ సర్వీసెస్ అథారిటీ కార్యదర్శి సౌజన్యలు ఈ కార్యక్రమానికి ముఖ్య అతిథులుగా హాజరయ్యారు.
సమాజ అభివృద్ధిలో మహిళల పాత్ర కీలకమని, ఆత్మవిశ్వాసంతో ముందుకు సాగితే ప్రతి రంగంలో అద్భుతాలు సృష్టించగలరని టీజీఐఐసీ చైర్పర్సన్ నిర్మల జయప్రకాశ్ రెడ్డి అన్నారు. తెలంగాణ నాన్ గెజిటెడ్ అధికారుల యూనియన్ (టీఎన్జీవోస్) ఆధ్వర్యంలో సంగారెడ్డిలో అంతర్జాతీయ మహిళా దినోత్సవ వేడుకలు ఘనంగా నిర్వహించారు.
ఇంద్రేశం మున్సిపాలిటీ కౌన్సిలర్ మన్నే లక్ష్మి మంగళవారం పాపన్నపేట మండలంలోని ప్రసిద్ధ ఏడుపాయల దుర్గ భవాని మాత ఆలయాన్ని సందర్శించారు.
సిద్దిపేట జిల్లా మిరుదొడ్డి మండలం అందే గ్రామంలో ఒక పౌల్ట్రీ ఫారంలో సుమారు 7,700 కోళ్లు అకస్మాత్తుగా మృతి చెందడంతో బర్డ్ ఫ్లూ వ్యాప్తి చెందుతుందనే ఆందోళనలు నెలకొన్నాయి.
ఆర్మూర్ పట్టణంలోని శ్రీ భాషిత పాఠశాలకు చెందిన వి. రిశ్విక్ అనే విద్యార్థి, అబాకస్ జాతీయ స్థాయి పోటీలలో ప్రతిభ కనబరిచి అంతర్జాతీయ స్థాయి పోటీలకు ఎంపికయ్యాడు. నాల్గవ తరగతి చదువుతున్న రిశ్విక్, స్టార్ జూనియర్ లెవెల్ ఫోర్ విభాగంలో ఈ విజయం సాధించాడు.
సంగారెడ్డి జిల్లా కలెక్టరేట్లో మహిళా, శిశు మరియు వయోవృద్ధుల సంక్షేమ శాఖ ఆధ్వర్యంలో అంతర్జాతీయ మహిళా దినోత్సవ వేడుకలు ఘనంగా జరిగాయి. ఈ సందర్భంగా జిల్లా కలెక్టర్ పి.ప్రావీణ్య మాట్లాడుతూ, మహిళలు ఆత్మవిశ్వాసంతో ముందుకు సాగితే ఏ లక్ష్యాన్నైనా సులభంగా సాధించవచ్చని అన్నారు.
సంగారెడ్డి జిల్లాలోని 298 అంగన్వాడీ కేంద్రాలలో ఆర్ఓ నీటి వడపోత యంత్రాల సరఫరా, బాలా పెయింటింగ్ పనుల కోసం జిల్లా సంక్షేమ అధికారి లలిత కుమారి సీల్డ్ టెండర్లను ఆహ్వానించారు. ఈ పనులకు అంచనా వ్యయం రూ.74.50 లక్షలుగా నిర్ణయించారు.
కామారెడ్డి మున్సిపల్ కార్యాలయం వద్ద సావిత్రిబాయి పూలే వర్ధంతిని పురస్కరించుకుని ఘనంగా కార్యక్రమాలు నిర్వహించారు. బాలికా విద్యకు ఆమె చేసిన అపారమైన కృషిని ఈ సందర్భంగా స్మరించుకున్నారు.