మానవత్వంతో రక్తదానం చేయాలని, రక్తానికి ప్రత్యామ్నాయ మార్గాలు లేవని రెడ్ క్రాస్ జిల్లా సమన్వయకర్త, ఐవిఎఫ్ సేవాదళ్ రాష్ట్ర చైర్మన్ డాక్టర్ బాలు పిలుపునిచ్చారు. తలసేమియా వ్యాధిగ్రస్తులైన చిన్నారులను కాపాడుకోవాలని ఆయన అన్నారు. కామారెడ్డి జిల్లా బిక్కనూరు మండలం రామేశ్వర్ పల్లిలో నిర్వహించిన రక్తదాన శిబిరంలో 40 మంది రక్తదానం చేశారు.
వానాకాలం వ్యవసాయ సీజన్ను విజయవంతం చేసేందుకు అన్ని శాఖలు సమన్వయంతో పనిచేసి రైతులకు, ప్రజలకు ఎలాంటి ఇబ్బందులు తలెత్తకుండా ముందస్తు చర్యలు చేపట్టాలని జిల్లా కలెక్టర్ ఆశీష్ సాంగ్వాన్ అధికారులను ఆదేశించారు. రాష్ట్ర ప్రభుత్వ ప్రధాన కార్యదర్శి సంజయ్ జాజు హైదరాబాద్ నుంచి నిర్వహించిన వీడియో కాన్ఫరెన్స్లో పాల్గొన్న అనంతరం కలెక్టర్ జిల్లా అధికారులతో సమీక్ష నిర్వహించారు.
కామారెడ్డి జిల్లా ఐడీఓసీ (IDOC)లో బీసీ సంక్షేమ శాఖ ఆధ్వర్యంలో దొడ్డి కొమురయ్య వర్ధంతిని ఘనంగా నిర్వహించారు. ఈ కార్యక్రమంలో జిల్లా కలెక్టర్ ఆశిష్ సాంగ్వాన్ పాల్గొని, జ్యోతి ప్రజ్వలన చేసి, దొడ్డి కొమురయ్య చిత్రపటానికి పూలమాల వేసి నివాళులర్పించారు. అదనపు కలెక్టర్లు విక్టర్, ఎన్. వై. గిరి కూడా హాజరయ్యారు.
హైదరాబాద్లో జరిగిన రోడ్డు ప్రమాదంలో సంగోజీవాడి గ్రామానికి చెందిన దోమకొండ చిన్న సాయిలు అనే యువకుడు అతి చిన్న వయసులోనే మృతి చెందాడు. ఈ విషాదంతో అతని స్నేహితులు, క్లాస్మేట్స్ సాయిలు కుటుంబాన్ని పరామర్శించి, ఆర్థిక సహాయం అందించారు.
నేరాల నియంత్రణలో ప్రజల భాగస్వామ్యాన్ని పెంచేందుకు కామారెడ్డి జిల్లా పోలీసులు శనివారం 'కమ్యూనిటీ కాంటాక్ట్' కార్యక్రమం నిర్వహించారు. రాజీవ్నగర్లో జరిగిన ఈ కార్యక్రమంలో 160 మంది పోలీసు అధికారులు, సిబ్బంది పాల్గొన్నారు. ఈ సందర్భంగా జిల్లా ఎస్పీ యం. రాజేష్ చంద్ర మాట్లాడుతూ పోలీసు-ప్రజల మధ్య విశ్వాసాన్ని బలోపేతం చేయడమే లక్ష్యమని తెలిపారు.
వామపక్ష విద్యార్థి సంఘాల ఐక్య కార్యాచరణ కమిటీ ఆధ్వర్యంలో శుక్రవారం కామారెడ్డిలో నిర్వహించిన మీడియా సమావేశంలో కీలక నిర్ణయాలు తీసుకున్నారు. విద్యారంగ సమస్యల పరిష్కారం కోసం జూలై 10న తెలంగాణ రాష్ట్రవ్యాప్తంగా విద్యాసంస్థలను మూసివేయాలని సంఘాలు పిలుపునిచ్చాయి.
భారత ఎన్నికల సంఘం ఆధ్వర్యంలో ఢిల్లీలో నిర్వహించిన జాతీయ స్థాయి ఎన్నికల అవగాహన, సమాచార ప్రసార సదస్సులో కామారెడ్డి జిల్లా ప్రజాసంబంధాల అధికారి (డీపీఆర్వో) తిరుమల పాల్గొన్నారు.
జిల్లా న్యాయ సేవాధికార సంస్థ కార్యదర్శి బి.సౌజన్య శుక్రవారం బీరంగూడలోని స్వధార్ హోమ్ను తనిఖీ చేశారు. జాతీయ, రాష్ట్ర న్యాయ సేవాధికార సంస్థల ఆదేశాల మేరకు ఈ తనిఖీ జరిగింది. బాధిత మహిళలకు అందిస్తున్న వసతి, ఆహారం, వైద్య సేవలు, భద్రత, కౌన్సెలింగ్ వంటి సౌకర్యాలను ఆమె పరిశీలించారు.
సంగారెడ్డిలోని సర్ సి.వి.రామన్ సైన్స్ మ్యూజియంను జిల్లా కలెక్టర్ ప్రతీక్ జైన్ శుక్రవారం సందర్శించారు. మ్యూజియంలోని వివిధ ప్రదర్శనలను పరిశీలించి, విద్యార్థుల ప్రాజెక్టులను అభినందించారు. రోబోటిక్స్ పరికరాల ఏర్పాటుకు సూచించారు.
కామారెడ్డి జిల్లాలో సీఎంఆర్ డెలివరీలను వేగవంతం చేయడంతో పాటు సిటీ గ్యాస్ డిస్ట్రిబ్యూషన్ (సీజీడీ) ప్రాజెక్టు విస్తరణ పనులను నిర్ణీత గడువులో పూర్తి చేయాలని జిల్లా కలెక్టర్ సంబంధిత అధికారులను ఆదేశించారు. శుక్రవారం కలెక్టరేట్లో నిర్వహించిన సమీక్షా సమావేశాల్లో ఆయన కీలక సూచనలు చేశారు.
బాల్కొండ మండల కేంద్రంలోని శివ శంకరవాడలో శుక్రవారం కాంగ్రెస్ పార్టీ నాయకులు ఇందిరమ్మ ఇళ్లను ప్రారంభించి గృహ ప్రవేశం చేశారు. ఈ సందర్భంగా నిరుపేదల గృహ నిర్మాణానికి రాష్ట్ర ప్రభుత్వం అందిస్తున్న చేయూతను వారు వివరించారు.
బాల్కొండ మండలంలోని జిల్లా పరిషత్ ఉన్నత పాఠశాలను లోకల్ బాడీ అడిషనల్ కలెక్టర్ భుజంగరావు ఆకస్మికంగా తనిఖీ చేశారు. విద్యా ప్రమాణాలపై సమీక్షతో పాటు, ఓటర్ల జాబితా సవరణ ప్రక్రియపై ఆయన ప్రజలకు పలు సూచనలు చేశారు.
బాసర అమ్మవారి ఆలయంలో ఈనెల 5వ తేదీ నుంచి భక్తులకు అక్షరాభ్యాసం, సర్వదర్శనం సేవలు అందుబాటులోకి రానున్నాయి. అయితే, అదే రోజు నుంచి అమ్మవారి గర్భగుడిలో భక్తులకు ప్రవేశం నిలిపివేయనున్నట్లు ఆలయ అధికారులు తెలిపారు. శృంగేరి పీఠాధిపతి సూచనల మేరకు మూల విరాట్టుకు పూజలు యథావిధిగా కొనసాగుతాయి.
రాష్ట్ర ప్రభుత్వం ప్రతిష్టాత్మకంగా చేపట్టిన ఆయిల్ పామ్ మెగా ప్లాంటేషన్ డ్రైవ్ కార్యక్రమంలో భాగంగా జిల్లా కలెక్టర్ ఆశిష్ సాంగ్వాన్ శుక్రవారం తాడ్వాయి మండలం దేమికలాన్ గ్రామంలోని రైతు కాటిపల్లి రామ్మోహన్ రెడ్డి వ్యవసాయ క్షేత్రాన్ని సందర్శించారు. ఈ సందర్భంగా ఆయన 8 ఎకరాల్లో చేపట్టిన ఆయిల్ పామ్ మొక్కల నాటకాన్ని పరిశీలించి, రైతులతో మాట్లాడారు.
నిర్మల్ జిల్లా బాసరలోని శ్రీ జ్ఞాన సరస్వతి అమ్మవారి ఆలయంలో శుక్రవారం భక్తుల రద్దీ నెలకొంది. తెల్లవారుజాము నుంచే వివిధ రాష్ట్రాల నుంచి వేలాది మంది భక్తులు ఆలయానికి చేరుకుని అమ్మవారిని దర్శించుకున్నారు. అక్షరాభ్యాస కార్యక్రమాలు కూడా పెద్ద సంఖ్యలో జరిగాయి.
రాయికోడు మండలంలోని నాగ్వార్ గ్రామంలో ఇందిరమ్మ నూతన గృహాలను జిల్లా గ్రంథాలయ సంస్థ చైర్మన్ జి.అంజయ్య, డిసిఎంఎస్ మాజీ చైర్మన్ సిద్ధన్న పాటిల్, మండల కాంగ్రెస్ అధ్యక్షుడు బాలాజీ నరసింహులు, పలువురు ప్రజా ప్రతినిధులతో కలిసి ప్రారంభించారు. కాంగ్రెస్ ప్రభుత్వం చేతల ప్రభుత్వమని ఈ సందర్భంగా అంజయ్య అన్నారు.
జిల్లాలోని జర్నలిస్టుల సమస్యలను ప్రభుత్వం దృష్టికి తీసుకురావాలనే లక్ష్యంతో సంగారెడ్డిలో టీయుడబ్ల్యూజే (ఐజేయు) జిల్లా మహాసభను ఈనెల 9న నిర్వహిస్తున్నట్లు రాష్ట్ర ఉపాధ్యక్షుడు ఎం.ఏ.కే. భారీఎత్తుననిర్వహణకుకమిటీలఏర్పాటు ఎత్తున నిర్వహణకు కమిటీల ఏర్పాటు, జిల్లా అధ్యక్షుడు బండారు యాదగిరి, జిల్లా ప్రధాన కార్యదర్శి విష్ణు ప్రసాద్ తెలిపారు. అర్హులైన జర్నలిస్టులకు ఇంటి స్థలాలు, హెల్త్ కార్డులు, ఉద్యోగ భద్రత వంటి సమస్యలపై ఈ సభలో చర్చించనున్నారు.
ద్వారా రైతులకు ఎలాంటి ఇబ్బందులు లేకుండా జిల్లా వ్యవసాయ శాఖ అధికారి శివ ప్రసాద్లో యూరియా ఎరువులను పారదర్శకంగా, సకాలంలో అందించేందుకు రాష్ట్ర ప్రభుత్వం జూన్ 5, 2026 నుంచి యూరియా బుకింగ్ యాప్ ద్వారా పంపిణీ విధానాన్ని అమలు చేస్తోంది. జిల్లాలో 2,89,963 యూరియా బస్తాలు సరఫరా చేసేందుకు ఏర్పాట్లు పూర్తయ్యాయని జిల్లా వ్యవసాయ శాఖ అధికారి శివ ప్రసాద్ తెలిపారు.
కామారెడ్డి జిల్లా పోలీసు కార్యాలయంలో జిల్లా ఎస్పీ యం. రాజేష్ చంద్ర అధ్యక్షతన CCTNS ద్వారా నెలవారీ నేర సమీక్ష సమావేశం జరిగింది. జిల్లాలో నమోదైన కేసుల పురోగతి, నేర నియంత్రణ చర్యలు, దర్యాప్తు పనితీరును సమీక్షించిన ఎస్పీ, పెండింగ్ కేసుల దర్యాప్తును వేగవంతం చేసి బాధితులకు సత్వర న్యాయం అందించాలని అధికారులను ఆదేశించారు. CCTNS 2.0లో ప్రతి కేసుకు సంబంధించిన వివరాలను ఎప్పటికప్పుడు నవీకరించాలని సూచించారు.
కామారెడ్డి జిల్లా పోలీస్ కార్యాలయంలో జిల్లా ఎస్పీ శ్రీ యం. రాజేష్ చంద్ర, IPS గారు CCTNS ద్వారా నేరాల పురోగతి, నియంత్రణ చర్యలు, దర్యాప్తు పనితీరుపై నెలవారీ సమీక్ష నిర్వహించారు. నాణ్యమైన దర్యాప్తుతో కేసులను సకాలంలో పూర్తి చేసి బాధితులకు న్యాయం అందించాలని, పెండింగ్ కేసులను వేగవంతం చేయాలని అధికారులను ఆదేశించారు.